តន់ ចន្ទសីម៉ា ត្រូវបានក្រុមហ៊ុន Smart ជួលច្រៀង នៅយប់ថ្ងៃទី 31 ធ្នូ 2020 ជាមួយកម្មវិធីចុងឆ្នាំដ៏អស្ចារ្យ «2021 Virtual Sky – High New Year Countdown» តារាចម្រៀងស្រី តន់ ចន្ទសីម៉ា បានបង្ហោះសារនៅរសៀលថ្ងៃទី៣ ខែមករា ឆ្នាំ២០២១នេះ ថា ខ្ញុំអាចឈរនៅត្រង់នេះបានក៏ដោយសារការគាំទ្រពីពុកម៉ែបងប្អូនទាំងអស់គ្នា និងក្រុមគ្រួសារ Galaxy navatra។
តារាចម្រៀងស្រីប្រចាំផលិតកម្ម Galaxy Navatra បន្តថា ការមិនបោះបង់ មិនចុះចាញ់ មិនបាក់ទឹកចិត្ត ភាពតាំងចិត្តនិងរឹងមាំជឿជាក់ដើរទៅមុខបំពេញក្តីស្រមៃរបស់អ្នក ខ្ញុំជឿថាអោយតែមានការតាំងចិត្ត តស៊ូ ព្យាយាម អ្នកទាំងអស់គ្នានិងទទួលបានភាពជោគជ័យ ជឿជាក់លើខ្លួនឯងណា។
បើនិយាយអំពីតំលៃខ្លួនក្នុងកាច្រៀង ប្រិយមិត្តប្រហែលជាបានជ្រាបច្បាស់ហើយ តន់ ចន្ទសីម៉ា ថ្លៃផុតគេហើយ ដោយតម្លៃដែលផលិតកម្ម Galaxy Navatra ដាក់មកនេះមានតែក្រុមហ៊ុនធំប៉ុណ្ណោះទើបមានលទ្ធភាពហ៊ានជួលនាងទៅច្រៀង។
បន្ទាប់ពីដឹងតម្លៃខ្លួននាងជាសាធារណៈមក Smart ជាក្រុមហ៊ុនធំទី១ដែលហ៊ានជួលតារាស្រីនេះទៅច្រៀង ប៉ុន្តែបើធៀបនិងតារាបរទេសវិញ Smart ធ្លាប់ជួលរាប់សែនដុល្លាឯណោះ ។
តារាចម្រៀងវ័យក្មេង តន់ ចន្ទសីម៉ា ដែលជាគ្រាប់ពេជ្ររបស់ផលិតកម្ម Galaxy Navatra បានកំពុងតែឈរនៅលំដាប់កំពូល ដោយបទចម្រៀងរបស់នាងមានអ្នកទស្សនារហូតជិត៥០០ លានដងដែលចំនួននេះមិនទាន់អាចមានតារាចម្រៀងរូបណាអាចយកឈ្នះនាងបាននៅឡើយ។ ថ្វីត្បិតតែនាងនៅក្មេងខ្ចី ប៉ុន្តែការច្រៀងតារាចម្រៀងស្រីល្បីឈ្មោះរូបនេះអាចច្រៀងបានគ្រប់ទម្រង់និងច្រើនភាសា មានបទចម្រៀងចេញច្រើនដែលគេមិនអាចធ្វើបានដូចហើយល្បីស្ទើរគ្រប់បទ៕
