តារាចម្រៀងរបស់ផលិតកម្មសាន់ដេ លោក ខាន់ ជេមស៍ បានចេញបទចម្រៀងថ្មីរបស់ខ្លួន១បទទៀតហើយកាលពីពេលថ្មីៗនេះដែលមានចំណងជើងថា”សុខចិត្តញ៉ាំមី” ដោយក្នុងអត្ថន័យនៃបទចម្រៀងបង្កប់នូវអត្ថន័យ ដាស់តឿនជាខ្លាំង ជាពិសេសសាច់រឿងក្នុងវីដេអូតែម្ដង។
ខ្លឹមសារសង្ខេបនៃបទចម្រៀងខាងលើចង់និយាយ ព្រោះតែ ក្ដីស្រលាញ់ ទៅលើនារីម្នាក់ដែលជាស្រីស្អាតស៊ីវិល័យ បុរសម្នាក់នោះ ខំប្រឹងធ្វើការរកប្រាក់ ដើម្បីផ្គាប់ចិត្តនារីម្នាក់នោះ ទិញចិញ្ចៀនពេជ្រឲ្យ របស់ប្រេនៗឲ្យ ចូលហាងប្រេនៗ ខណៈដែល ខ្លួនឯងសុខចិត្តញ៉ាំមី ជាកម្មករ ជួលផ្ទះគេនៅ ស្ទើររកប្រាក់បង់ថ្លៃផ្ទះមិនបាន។ 
ប៉ុន្តែនារីម្នាក់នោះ ដែលដាក់ចិត្តស្រលាញ់ តួប្រុសមិនបានគិតលើទ្រព្យឡើយ ក៏ព្រោះតែនាងឃើញ បុរសម្នាក់នោះជាមនុស្សចូលចិត្តធ្វើអំពើសប្បុរស ដូចជាជួយជនក្រីក្រ ក្មេងកំព្រា ចាស់ជរាជាដើម។ ការគិតរបស់តួប្រុស ហាក់ដូចជា ផ្ទុយនឹងតួស្រី ដែលខំទិញរបស់ប្រេនៗឲ្យ ខណៈតែតួស្រីជាកូនអ្នកមានទ្រព្យស្រាប់ ប៉ុន្តែចុងក្រោយនៃវីដេអូខារ៉ាអូខេនោះ នាក់ទាំងពីរក៏យល់ចិត្តគ្នា ហើយក៏ស្រលាញ់គ្នាដូចបំណង។
ចង់ដឹងថា “សុខចិត្តញ៉ាំមី” របស់លោក ខាន់ ជេមស៍ មានអត្ថន័យចាក់ដោតយ៉ាងណាសូមតាមដានទស្សនាទាំងអស់គ្នា៕
