តារាកំប្លែងជួរមុខ នាយ ពាក់មី ប្រកាសដំណឹងគ្រោងនឹងឈប់ពីស្ថានីយទូរទស្សន៍ CTN ក្រោយលេចលឺមានសម្ពាធពីអ្នកគ្រប់គ្រងថ្មីរបស់ស្ថានីយ៍។
បើតាមសារជាសម្លេងនាយកពាក់មី បានបញ្ចាក់ថា តារាកំប្លែងដែលត្រូវឈប់ពីស្ថានីយ៍ទូរទស្សន៍ CTN មាន នាយពាក់មី នាយគ្រឿន នាយក្រូច និងអ្នកដឹកនាំផលិតដ៏ល្បី លោក សុវណ្ណ ឬទ្ធី ហៅលោកតា វ៉ិចទ័រ ក្រោមហេតុផលមានសម្ពាធពីអ្នកគ្រប់គ្រងរបស់ខ្លួន។
យ៉ាងណា តាមរយៈទ័ព័រហ្វេសបុកផ្ទាល់ខ្លួននាព្រឹកថ្ងៃទី៣១ឧសភានេះ នាយពាក់មី បានលើកឡើងក្នុងន័យដើមយ៉ាងដូច្នេះថា៖«ខ្ញុំប្រហែលជាត្រូវឈប់ពីសុីធីអិនហេីយបងប្អូន បេីមិនក្រុមហ៊ុនដកចេញ ក៏ឈប់ខ្លួនឯងដែ ដោយសារខ្ញុំមិនពេញចិត្តការដឹកនាំរបស់អ្នកគ្រប់គ្រងថ្មី។ ខ្ញុំមិនចង់ចាកចេញពីសុីធីអិនដែលជាផ្ទះ ជាកន្លែងផ្តល់កំណេីតសិល្បៈឲ្យខ្ញុំទេ តែខ្ញុំសុខចិត្តចេញមុខតវ៉ាខ្លះ នៅរឿងដែលរិតត្បិតតឹងតែងពេក ធ្វេីឲ្យបុគ្គលិកមានសម្ពាធ»។
នាយពាក់មីបន្តថា៖ «សង្ឃឹមថាកាឈប់របស់ខ្ញុំ នឹង អ្នកកំប្លែងផ្សេងទៀត អាចធ្វេីអោយអ្នកគ្រប់គ្រងថ្មីគាត់មានកាបន្ធូបន្ថយ នៅច្បាប់ថ្មីដែលតឹងតែងរបស់គាត់ខ្លះ ដេីម្បីបុគ្គលិកដែលនៅគាត់បានសុខសប្បាយមិនសូវមានសម្ពាធ»។
សូមស្តាប់ការលើកឡើងរបស់នាយពាក់មី៖
