ការងើបឡើងវិញនៃសេដ្ឋកិច្ចចិន នឹងត្រូវមានការបង្រួបបង្រួមបន្ថែមទៀត ហើយចំណូលពន្ធដារនៅត្រីមាសទី ២ អាចនឹងមានសន្ទុះលឿន ប៉ុន្តែស្ថានការណ៍សេដ្ឋកិច្ចក៏កំពុងជួបហានិភ័យ និងភាពមិនច្បាស់លាស់ទាំងនៅក្នុងស្រុក និងក្រៅប្រទេស។ នេះបើតាមរបាយការណ៍ពីនាយកដ្ឋានពន្ធដារបានលើកឡើង។
មហាអំណាចសេដ្ឋកិច្ចធំបំផុតទី ២លើលោក មានកំណើនសេដ្ឋកិច្ច ៣% កាលពីឆ្នាំទៅដែលជាចំណុចទាបបំផុតក្នុងរយៈពេលជិតពាក់កណ្ដាលមួយសតវត្ស ប៉ុន្តែសម្រាប់ឆ្នាំថ្មីនេះ ចិនបានកំណត់គោលដៅថ្មី ដោយចង់បង្កើនកំណើនសេដ្ឋកិច្ចឲ្យបាន ៥%។
យោងតាមការចុះផ្សាយពី CNA បានបង្ហាញថា សហគ្រាសធំៗគ្រោងកាត់បន្ថយការចំណាយ និងមានចំណូលពន្ធសរុប ១,៨ទ្រីលានយ៉ន់ ឬប្រមាណ ២៦២ ពាន់លានដុល្លារក្នុងឆ្នាំនេះ។
ដើម្បីអាចជួយដល់សេដ្ឋកិច្ចក្នុងឆ្នាំ ២០២២ ប្រទេសចិនបានកាត់បន្ថយថ្លៃសេវា និងផ្តល់ឥណទានបង្វិលពន្ធដល់អាជីវកម្មឯកជនជាច្រើន ដែលរងគ្រោះដោយសារវិបត្តិកូវីដ ១៩។
សូមជម្រាបដែរថា ចិននឹងកាត់បន្ថយពន្ធសម្រាប់សហគ្រាសខ្នាតតូច និងអាជីវកម្មឯកជនមួយចំនួន ដើម្បីបង្កើនកំណើនសេដ្ឋកិច្ច ហើយក៏បន្តអនុវត្តគោលនយោបាយមួយនេះ រហូតដល់ចុងឆ្នាំ ២០២៤ផងដែរ។ នេះបើតាមសម្ដីនាយករដ្ឋមន្ត្រី Li Qiang កាលពីខែមីនា៕
