ឃើញថាតាំងពីដើមសប្ដាហ៍នេះ តម្លៃភាគហ៊ុននៃក្រុមហ៊ុន Tesla មិនសូវជាមានសញ្ញាណល្អប៉ុន្មានឡើយ ពោលបានបន្តធ្លាក់ចុះពេញមួយសប្ដាហ៍តែម្ដង។
ផលអវិជ្ជមានមួយនេះ ក៏បណ្ដាលឲ្យមហាសេដ្ឋី Elon Musk ទទួលរងការខូចខាតយ៉ាងដំណំផងដែរ ពោលមួយសប្ដាហ៍នេះ មេធំ Tesla របូតលុយអស់ប្រហែល ១៤ពាន់លានដុល្លារ។ នេះបើតាមការចុះផ្សាយពី Forbes។
អាចនិយាយទៀតថា Elon Musk មានការខាតបង់ធំបំផុត បើធៀបនឹងមហាសេដ្ឋី ៩ នាក់ផ្សេងទៀត នៅក្នុងបញ្ជីអ្នកមានដាច់គេ គិតត្រឹមថ្ងៃទី ០៨ មេសា ២០២៣។
ខាងក្រោមនេះគឺជាបញ្ជីឈ្មោះមហាសេដ្ឋីទាំង ១០រូបគិតត្រឹមថ្ងៃទី ០៨ មេសា ២០២៣ ដោយផ្អែកតាមទិន្នន័យពី Forbes៖
1. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ២២៣,១ពាន់លានដុល្លារ
2. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ១៨៧,៩ពាន់លានដុល្លារ
3.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១២៥,១ពាន់លានដុល្លារ
4.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១២០,៥ពាន់លានដុល្លារ
5.Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១០៩,៩ពាន់លានដុល្លារ
6.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១០៩,៧ពាន់លានដុល្លារ
7.Michael Bloomberg សហស្ថាបនិកក្រុមហ៊ុន Bloomberg LP មានទ្រព្យសម្បត្តិប្រមាណ ៩៤,៥ពាន់លានដុល្លារ
8.Carlos Slim Helu ស្ថាបនិកក្រុមហ៊ុន Grupo Carso មានទ្រព្យសម្បត្តិសរុបប្រមាណ ៩៣,៤ពាន់លានដុល្លារ
9.Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩៣,១ពាន់លានដុល្លារ
10.Steve Ballmer អតីត CEO ក្រុមហ៊ុន Microsoft មានទ្រព្យសម្បត្តិសរុបប្រមាណ ៩១,៦ពាន់លានដុល្លារ៕
