ទ្រព្យសម្បត្តិមហាសេដ្ឋីរុស្ស៊ី មានការកើនឡើងយ៉ាងខ្លាំងរយៈពេលមួយឆ្នាំចុងក្រោយនេះ បើទោះជាពួកគេកំពុងទទួលរងទណ្ឌកម្មសេដ្ឋកិច្ចយ៉ាងធ្ងន់ធ្ងរពីលោកខាងលិចក៏ដោយ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការចុះផ្សាយពី Forbes បានបង្ហាញថា ទំហំទ្រព្យសម្បត្តិមហាសេដ្ឋីរុស្ស៊ីកើនប្រហែល ១៥២ពាន់លានដុល្លារ ពោលកាលពីឆ្នាំ២០២២ មាន ៣៥៣ពាន់លានដុល្លារ ប៉ុន្តែគិតត្រឹមខែមេសា ឆ្នាំ២០២៣នេះ មានរហូតដល់ ៥០៥ពាន់លានដុល្លារ។
នេះក៏មានន័យថា ជាមធ្យមមហាសេដ្ឋីរុស្ស៊ីម្នាក់កើនទ្រព្យប្រហែល ៦០០លានដុល្លារ ស្របពេលចំនួនមហាសេដ្ឋីរុស្ស៊ីក៏កើនឡើងផងដែរ ពោលបច្ចុប្បន្នមាន ១១០នាក់ កើនឡើង ២២នាក់។
សូមជម្រាបដែរថា ក្នុងចំណោមមហាសេដ្ឋីទាំង ១១០នាក់នោះ មាន ៤៦នាក់ កំពុងទទួលទណ្ឌកម្មសេដ្ឋកិច្ចពីសហរដ្ឋអាមេរិក ចក្រភពអង់គ្លេស និងសហភាពអឺរ៉ុប៕
