អាមេរិកនៅតែជាប្រទេសមានអ្នកមានច្រើនបំផុតដាច់គេ ខណៈចិនបាត់បង់មហាសេដ្ឋី ៤៤នាក់

ចំនួនមហាសេដ្ឋីទូទាំងពិភពលោកនាឆ្នាំ ២០២៣ មានការថយចុះជាខ្លាំង បើធៀបនឹងឆ្នាំទៅ ពោលកាលពីឆ្នាំ ២០២២ មានមហាសេដ្ឋី ៣ ៣១១នាក់ ប៉ុន្តែនៅឆ្នាំមានធ្លាក់មកនៅត្រឹម ២ ៦៤០នាក់​ប៉ុណ្ណោះ។ នេះបើតាមរបាយការណ៍ពី Forbes។

យ៉ាងណា សហរដ្ឋអាមេរិកនៅតែជាប្រទេសមានមហាសេដ្ឋីច្រើនបំផុត ជាមួយតួលេខ ៧៣៥នាក់ ដូចនឹងឆ្នាំទៅ ខណៈចំនួន​មហាសេដ្ឋីចិន​មានការធ្លាក់ចុះពី ៥៣៩នាក់ មកនៅត្រឹម ៤៩៥នាក់ប៉ុណ្ណោះ។

ដោយឡែក ឥណ្ឌានៅលេខរៀងទី ៣ ដដែល ជាមួយនឹងស្ថិតិខុសគ្នាតិចតួច ស្របពេល​ចំនួន​មហាសេដ្ឋីរុស្ស៊ី​កើនពី ៨៣នាក់ ដល់ ១០៥នាក់ បើទោះជាកំពុងទទួលរងទណ្ឌកម្ម​សេដ្ឋកិច្ច​ពីលោកខាងលិច និងអឺរ៉ុប។

ខាងក្រោមនេះគឺជាបញ្ជីឈ្មោះប្រទេស និងតំបន់ទាំង ១០ ដែលមានមហាសេដ្ឋីរស់នៅច្រើនបំផុត​លើលោក ផ្អែកតាមរបាយការណ៍ពី Forbes៖

1/សហរដ្ឋអាមេរិក មានមហាសេដ្ឋីរស់នៅប្រមាណ ៧៣៥នាក់

2/ប្រទេសចិន មានមហាសេដ្ឋីរស់នៅប្រមាណ ៤៩៥នាក់

3/ប្រទេសឥណ្ឌា មានមហាសេដ្ឋីរស់នៅប្រមាណ ១៦៩នាក់

4/ប្រទេសអាល្លឺម៉ង់ មានមហាសេដ្ឋីរស់នៅប្រមាណ ១២៦នាក់

5/ប្រទេសរុស្ស៊ី មានមហាសេដ្ឋីរស់នៅប្រមាណ ១០៥នាក់

6/ទីក្រុងហុងកុង មានមហាសេដ្ឋីរស់នៅប្រមាណ ៦៦នាក់

7/ប្រទេសអ៊ីតាលី មានមហាសេដ្ឋីរស់នៅប្រមាណ ៦៤នាក់

8/ប្រទេសកាណាដា មានមហាសេដ្ឋីរស់នៅប្រមាណ ៦៣នាក់

9/កោះតៃវ៉ាន់ មានមហាសេដ្ឋីរស់នៅប្រមាណ ៥២នាក់

9/ចក្រភពអង់គ្លេស មានមហាសេដ្ឋីរស់នៅប្រមាណ ៥២នាក់៕