កាលពីថ្ងៃអង្គារ៍នេះ ក្រុមហ៊ុន Logitech SA បាននិយាយថា នាយកប្រតិបត្តិ និងប្រធានក្រុមហ៊ុន Bracken Darrell កំពុងលាលែងពីតំណែងរបស់គាត់ភ្លាមៗ ជាមួយហេតុផលស្វែងរកបទពិសោធន៍ថ្មីៗបន្ថែម។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការចុះផ្សាយពី CNA បានបង្ហើបថា លោក Darrell បានកាន់តំណែងជា CEO នៃក្រុមហ៊ុន Logitech តាំងពីឆ្នាំ ២០១៣ ហើយលោកនឹងនៅបន្តធ្វើការនៅក្រុមហ៊ុនបណ្ដោះអាសន្នសិន ទម្រាំរកបានអ្នកមកជំនួសតំណែងកំពូលមួយនេះ។
បន្ថែមពីនោះ ក្រុមហ៊ុនសម្រេចចិត្តចុចឈ្មោះសមាជិកក្រុមប្រឹក្សាភិបាល Guy Getch មកកាន់តំណែងជា CEO បណ្ដោះអាសន្នសិន។
សូមជម្រាបដែរថា ការផ្លាស់ប្ដូរក្បាលម៉ាស៊ីនក្រុមហ៊ុននេះ កើតឡើងបន្ទាប់ពី Logitech បង្ហោះការខាតបង់ការលក់ប្រហែល ២២% នៅត្រីមាសទី ៤ ដែលធ្វើឲ្យក្រុមហ៊ុនជួបការលំបាកជាខ្លាំង ចំពេលសេដ្ឋកិច្ចសកលកំពុងធ្លាក់ចុះផង៕
