កាលពីសប្ដាហ៍មុន នាយករដ្ឋមន្ត្រីម៉ាឡេស៊ី Anwar Ibrahim បានបញ្ជាក់ថា លោកនឹងជួបជជែកការងារជាមួយមហាសេដ្ឋីអាមេរិក Elon Musk ពីលទ្ធភាពបង្កើនការវិនិយោគនៅប្រទេសក្នុងតំបន់អាស៊ានមួយនេះ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការចុះផ្សាយពីសារព័ត៌មាន Paultan បានបង្ហាញថា កិច្ចប្រជុំរវាងនាយករដ្ឋមន្ត្រី Ibrahim និងប្រធានក្រុមហ៊ុន Tesla គ្រោងនឹងធ្វើឡើងនាថ្ងៃទី ១៤ ខែកក្កដា ដោយជំនួបមួយនោះ នឹងធ្វើឡើងតាមរយៈអនឡាញ។
គួររំលឹកដែរថា កាលពីដើមសប្ដាហ៍នេះ រដ្ឋមន្ត្រីក្រសួងវិនិយោគ ពាណិជ្ជកម្ម និងឧស្សាហកម្ម លោក Tengku Zafrul Aziz បាននិយាយថា កិច្ចសហប្រតិបត្តិការដ៏មានសក្ដានុពលរវាងម៉ាឡេស៊ី និងក្រុមហ៊ុន Tesla នឹងវិនិយោគលើសពីវិស័យរថយន្តអគ្គិសនី។
សូមជម្រាបបន្ថែមថា ក្រុមហ៊ុន Tesla គ្រោងនឹងហក់ចូលទីផ្សារប្រទេសម៉ាឡេស៊ីជាផ្លូវការនាសប្ដាហ៍ក្រោយ នាថ្ងៃទី ២០ខែកក្កដាខាងមុខ៕
