នាថ្ងៃព្រហស្បតិ៍ទី ២៧ ខែកក្កដានេះ ក្រុមហ៊ុន Samsung Electronics បានរាយការណ៍ពីប្រាក់ចំណេញប្រចាំត្រីមាសទី២ របស់ពួកគេ ដែលមានការខាតបង់រហូតដល់ ៩៥% បើធៀបនឹងឆ្នាំទៅ។ នេះបើតាមការចុះផ្សាយពីសារព័ត៌មាន CNA។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
មូលហេតុដែលធ្វើឲ្យក្រុមហ៊ុនយក្សកូរ៉េខាងត្បូង រងការខាតបង់ដ៏សំបើមបែបនេះ ក៏ដោយសារតែតម្រូវការមានការធ្លាក់ចុះ គួបផ្សំនឹងកង្វះខាតបន្ទះឈីបផង ធ្វើឲ្យសង្វាក់ផលិតកម្មមានការរអាក់រអួល។
ក្រុមហ៊ុនផលិតទូរស័ព្ទធំបំផុតលើលោក បន្ទាប់ពីក្រុមហ៊ុន Apple បានប្រកាសថា ប្រាក់ចំណេញប្រចាំត្រីមាសទី២ បានធ្លាក់មកនៅត្រឹម ៦៦៩ពាន់លានវ៉ុន ឬប្រហែល ៥២៧លានដុល្លារ ធ្លាក់ចុះពីឆ្នាំមុនដែលមាន ១៤,១ទ្រីលានវ៉ុន។
សូមជម្រាបដែរថា ប្រាក់ចំណេញត្រីមាសទី២ របស់ Samsung ឆ្នាំនេះ គឺជាចំណុចទាបបំផុតមិនធ្លាប់មាន ក្នុងរយៈពេល ១៤ឆ្នាំចុងក្រោយ៕
