នាយកប្រតិបត្តិក្រុមហ៊ុនផលិតរថយន្ត Renault លោក Luca de Meo បាននិយាយថា ចិនមានទីផ្សារប្រកួតប្រជែងខ្ពស់ សម្រាប់រថយន្តអគ្គិសនី ហើយអឺរ៉ុបមិនអាចប្រៀបជាមួយចិនបានឡើយ ចំពោះបញ្ហាមួយនេះ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
“នៅចិនគឺពិតជាមានការប្រកួតប្រជែងខ្ពស់មែនទែន សម្រាប់ខ្សែសង្វាក់ផ្គត់ផ្គង់រថយន្តអគ្គិសនី ហើយអឺរ៉ុបត្រូវតែត្រៀមខ្លួន តាមឲ្យទាន់ចិនឲ្យលឿនបំផុត”។ នេះបើតាមសម្ដីរបស់លោក De Meo បានប្រាប់ទៅកាន់សារព័ត៌មាន RTL Radio។
សូមជម្រាបដែរថា ទីផ្សាររថយន្តអគ្គិសនីនៅចិនពិតជាមានសន្ទុះគួរឲ្យកត់សម្គាល់ តួយ៉ាងក្រុមហ៊ុន BYD ដែលបានកើបប្រាក់ចំណេញជាប់ៗគ្នាប៉ុន្មានឆ្នាំចុងក្រោយ និងវិវត្តខ្លួនទៅជាក្រុមហ៊ុនផលិតរថយន្តអគ្គិសនីធំបំផុតលើលោក និងជាគូប្រជែងធំរបស់ក្រុមហ៊ុនមហាសេដ្ឋីមានដាច់គេ Elon Musk គឺក្រុមហ៊ុន Tesla ថែមទៀត៕
