កិច្ចប្រជុំកំពូល COP28 ធ្វើឡើងនៅទីក្រុងឌូបៃ កំពុងចាប់ផ្ដើម ក្រោមវត្តមានពីមេដឹកនាំកំពូលៗលើពិភពលោក ច្រើនជាង ១៦០ប្រទេស និងធុរកិច្ចជនល្បីឈ្មោះជាច្រើនរូប ប៉ុន្តែសម្ដេច ប៉ាប ហ្វ្រង់ស៊ីស បែរជាខកខានកិច្ចប្រជុំមួយនេះទៅវិញ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការចុះផ្សាយពីសារព័ត៌មាន SkyNews បានបង្ហាញថា មូលហេតុដែលធ្វើឲ្យសម្ដេច មិនអាចចូលរួមកិច្ចប្រជុំនៅទីក្រុងឌូបៃបាន ដោយសារបញ្ហាសុខភាព ដែលក្រុមគ្រូពេទ្យផ្ដល់យោបល់ឲ្យលោកសម្រាកឲ្យបានច្រើន។
ទោះជាយ៉ាងណា ព្រះវិហារកាតូលិក Holy See បានបង្ហើបឲ្យដឹងថា សម្ដេច ប៉ាប នៅតែមានកូនចិត្តចង់ចូលរួមកិច្ចប្រជុំមួយនេះ តាមវិធីសាស្ត្រផ្សេង បើទោះជាមិនអាចចូលរួមបានដោយផ្ទាល់ក្ដី។
សូមជម្រាបដែរថា សម្ដេច ប៉ាប ហ្វ្រង់ស៊ីស តែងតែបង្ហាញមុខជាញឹកញាប់ ចំពោះការរកដំណោះស្រាយ ជុំវិញបញ្ហាបម្រែបម្រួលអាកាសធាតុ និងតែងអំពាវនាវឲ្យមហាអំណាចធំៗ គិតគូរពីបញ្ហាមួយនេះឲ្យបានស៊ីជម្រៅ៕
