មហាសេដ្ឋី Aliko Dangote អ្នកមានដាច់គេនៅទ្វីបអាហ្រិក ទទួលរងការខាតបង់ទឹកប្រាក់ប្រមាណ ៣,៦១ពាន់លានដុល្លារ នៅក្នុងឆ្នាំ២០២៣ ដោយសារតម្លៃរូបិយវត្ថុណារ៉ា (Naira) នៅប្រទេសនីហ្សេរីយ៉ា មានការធ្លាក់ចុះជាខ្លាំង។
យោងតាមការចុះផ្សាយពីគេហទំព័រ Nairametrics បានបង្ហាញថា តម្លៃរូបិយវត្ថុណារ៉ាបានធ្លាក់ដល់ចំណុចទាបបំផុត តាំងពីប្រទេសនីហ្សេរីយ៉ាទទួលបានឯករាជ្យកាលពីឆ្នាំ១៩៩៩ និងត្រូវបានចាត់ទុកជារូបិយវត្ថុមានប្រតិបត្តិការអាក្រក់បំផុតនៅទ្វីបអាហ្វ្រិក។
មូលហេតុដែលធ្វើឲ្យរូបិយវត្ថុនៅប្រទេសនីហ្សេរីយ៉ា មានការធ្លាក់ចុះខ្លាំងបែបនេះ គឺដោយសារផែនការជម្រុញសេដ្ឋកិច្ចក្នុងស្រុករបស់រដ្ឋាភិបាល ដែលចាប់ផ្ដើមអនុវត្តកាលពីខែមិថុនា ដែលបណ្ដាលឲ្យតម្លៃនៃរូបិយវត្ថុណារ៉ា មានសញ្ញាមិនល្អតាំងពីពេលនោះមក។
ជម្រាបដែរថា បើទោះជាលោក Aliko Dangote របូតលុយអស់ជាង ៣ពាន់លានដុល្លារមែន ប៉ុន្តែលោកនៅតែជាមហាសេដ្ឋីមានបំផុតនៅអាហ្វ្រិក ជាមួយទំហំទ្រព្យសម្បត្តិ ១៥,១ពាន់លានដុល្លារ និងបានកាន់តំណែងមួយនេះរយៈពេល ១២ឆ្នាំជាប់ៗគ្នាហើយ។ នេះបើតាមរបាយការណ៍ពីគេហទំព័រ Bloomberg Billionaires Index៕
