មហាសេដ្ឋីឥណ្ឌូណេស៊ី លោក Prajogo Pangestu បានចាប់ផ្ដើមឆ្នាំថ្មី ជាមួយនឹងការខាតបង់លុយដ៏សំបើម ប្រមាណ ៤ពាន់លានដុល្លារកាលពីថ្ងៃទី០៩ ខែមករា ដោយសារតម្លៃហ៊ុនរបស់ក្រុមហ៊ុន Barito Pacific Group ថយចុះប្រហែល ២០%។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការចុះផ្សាយពីសារព័ត៌មាន Bloomberg បានបង្ហាញថា បច្ចុប្បន្ន ទ្រព្យសម្បត្តិរបស់លោក Pangestu គឺមានប្រមាណ ២៥,៣ពាន់លានដុល្លារ ដោយបានរបូតតំណែងជាអ្នកមានដាច់គេនៅឥណ្ឌូណេស៊ី ទៅកាន់លោក Low Tuck Kwong ដែលមានទ្រព្យសម្បត្តិជិត ២៨ពាន់លានដុល្លារវិញ។
រំលឹកបន្តិចថា បើទោះជាមហាសេដ្ឋីម្នាក់នេះ របូតលុយអស់ ៤ពាន់លានដុល្លារក្នុងមួយថ្ងៃក៏ពិតមែន ប៉ុន្តែបើធៀបនឹងឆ្នាំទៅ លោកនៅតែមានផលចំណេញខ្ពស់ដដែល ដ្បិតកាលពីឆ្នា២០២៣ តម្លៃហ៊ុនរបស់ក្រុមហ៊ុន Barito Renewables កើនឡើងដល់ ៨៥០% និងធ្វើឲ្យលោកកើនទ្រព្យសម្បត្តិដល់ទៅ ២៦,៥ពាន់លានដុល្លារឯណោះ៕
