យោងតាមការចុះផ្សាយពីទស្សនាវដ្ដីនិយាយពីអ្នកមាន Forbes បានរាយការណ៍ថា ស្ត្រីមានបំផុតនៅអាស៊ី អ្នកស្រី Savitri Jindal បានលេចវត្តមាននៅក្នុងបញ្ជីឈ្មោះមហាសេដ្ឋីស្រីមានបំផុតនៅលើពិភពលោក ជាមួយទំហំទ្រព្យសម្បត្តិ ៣៥,៥ពាន់លានដុល្លារ។
មហាសេដ្ឋីជនជាតិឥណ្ឌាម្នាក់នេះ គឺជាអ្នកនយោបាយ និងជាប្រធានក្រុមហ៊ុន Jindal ដែលឈានមុខគេមួយលើវិស័យផលិតស៊ីម៉ងត៍ ថាមពល និងគ្រឿងសាងសង់ហេដ្ឋារចនាសម្ព័ន្ធដូចជា ដែកថែបជាដើម។
ខាងក្រោមនេះគឺជាបញ្ជីឈ្មោះមហាសេដ្ឋីស្រីមានបំផុតនៅលើពិភពលោក គិតត្រឹមថ្ងៃទី១១ ខែមេសា ឆ្នាំ២០២៤ ផ្អែកតាមរបាយការណ៍ពី Forbes៖
១/ Francoise Bettencourt Meyers មានទ្រព្យសម្បត្តិប្រមាណ ៩២,៨ពាន់លានដុល្លារ ខណៈប្រភពចំណូលគឺ ក្រុមហ៊ុន L’Oreal
២/ Alice Walton មានទ្រព្យសម្បត្តិប្រមាណ ៧២,៧ពាន់លានដុល្លារ ខណៈប្រភពចំណូលគឺ ក្រុមហ៊ុន Walmart
៣/ Julia Koch មានទ្រព្យសម្បត្តិប្រមាណ ៦៦,១ពាន់លានដុល្លារ ខណៈប្រភពចំណូលគឺ ក្រុមហ៊ុន Koch Industries
៤/ Jacqueline Mars មានទ្រព្យសម្បត្តិប្រមាណ ៣៨,៧ពាន់លានដុល្លារ ខណៈប្រភពចំណូលគឺ ក្រុមហ៊ុន Mars Incorporated
៥/ Mackenzie Scott មានទ្រព្យសម្បត្តិប្រមាណ ៣៧,៧ពាន់លានដុល្លារ ខណៈប្រភពចំណូលគឺ ក្រុមហ៊ុន Amazon
៦/Savitri Jindal មានទ្រព្យសម្បត្តិប្រមាណ ៣៥,៥ពាន់លានដុល្លារ ខណៈប្រភពចំណូលគឺ ក្រុមហ៊ុន Jindal
៧/ Rafaela Aponte-Diamant មានទ្រព្យសម្បត្តិប្រមាណ ៣៣,៣ពាន់លានដុល្លារ ខណៈប្រភពចំណូលគឺ វិស័យដឹកជញ្ជូន
៨/ Miriam Adelson មានទ្រព្យសម្បត្តិប្រមាណ ៣២,១ពាន់លានដុល្លារ ខណៈប្រភពចំណូលគឺ ក្រុមហ៊ុនកាស៊ីណូ
៩/ Gina Rinehart មានទ្រព្យសម្បត្តិប្រមាណ ៣០,៧ពាន់លានដុល្លារ ខណៈប្រភពចំណូលគឺ ក្រុមហ៊ុន Hancock Prospecting
១០/ Abigail Johnson មានទ្រព្យសម្បត្តិប្រមាណ ២៩,៦ពាន់លានដុល្លារ ខណៈប្រភពចំណូលគឺ ក្រុមហ៊ុន Fidelity Investments៕
