ទម្លាយទ្រព្យសម្បត្តិមហាសេដ្ឋីមានបំផុតប្រចាំគ្រប់រដ្ឋនៅអាមេរិក មានរហូតដល់ជាង ១ទ្រីលានដុល្លារ

នៅក្នុងឆ្នាំ២០២៤នេះ គ្រប់រដ្ឋចំនួន ៤៧នៅសហរដ្ឋអាមេរិក គឺមានមហាសេដ្ឋីរស់នៅយ៉ាងតិចម្នាក់ ខណៈកាលពីឆ្នាំមុន មានតែ ៣រដ្ឋប៉ុណ្ណោះដែលមិនមានមហាសេដ្ឋីរស់នៅ។

យោងតាមការចុះផ្សាយពីសារព័ត៌មាន Dailymail បានបង្ហាញថា ទំហំទ្រព្យសម្បត្តិរបស់មហាសេដ្ឋីមានបំផុត ប្រចាំរដ្ឋទាំង ៤៧ នៅអាមេរិក គឺមានសរុបរហូតដល់ ១,៦ទ្រីលានដុល្លារឯណោះ ខណៈវាមានកំណើន ១០០ពាន់លានដុល្លារ បើធៀបនឹងឆ្នាំទៅ។

គួរជម្រាបដែរថា នៅក្នុងឆ្នាំ២០២៤នេះ សហរដ្ឋអាមេរិកមានមហាសេដ្ឋីរស់នៅប្រហែល ៨០០នាក់ ដោយទ្រព្យសម្បត្តិសរុបរបស់ពួកគេ គឺមានច្រើនជាង ៥ទ្រីលានដុល្លារឯណោះ។

ចំណែកឯមហាសេដ្ឋីដែលមានដាច់គេប្រចាំមហាអំណាចសេដ្ឋកិច្ចធំបំផុតលើលោក គឺស្ថាបនិកក្រុមហ៊ុន Amazon លោក Jeff Bezos ដោយបច្ចុប្បន្នមានទ្រព្យសម្បត្តិប្រមាណ ២០២ពាន់លានដុល្លារ៕