ទ្រព្យសម្បត្តិរបស់កំពូលមហាសេដ្ឋី Elon Musk មានការថយចុះតែម្នាក់ឯងប៉ុណ្ណោះ រយៈពេលមួយសប្ដាហ៍នេះ ក្នុងចំណោមកំពូលអ្នកមានបំផុតលើលោក ១០រូប។
យោងតាមការចុះផ្សាយពីទស្សនាវដ្ដីនិយាយពីអ្នកមាន Forbes បានបង្ហាញថា ទ្រព្យសម្បត្តិរបស់មេធំ Tesla មានការថយចុះប្រមាណ ៧ពាន់លានដុល្លារ បើធៀបនឹងសប្ដាហ៍មុន ក៏ប៉ុន្តែលោកនៅតែអង្គុយកៅអីលេខ៣ ជាបុគ្គលមានទ្រព្យសម្បត្តិច្រើនបំផុតលើលោក បន្ទាប់ពីលោក Jeff Bezos និងលោក Bernard Arnault ដដែល។
ខាងក្រោមនេះគឺជាបញ្ជីឈ្មោះមហាសេដ្ឋីមានបំផុតលើលោកទាំង១០រូប គិតត្រឹមថ្ងៃទី១១ ខែឧសភា ឆ្នាំ២០២៤ ផ្អែកតាមទិន្នន័យទទួលបានពី Forbes៖
1.Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ២១៤,៣ពាន់លានដុល្លារ
2.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ២០៥ពាន់លានដុល្លារ
3.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ១៩១,២ពាន់លានដុល្លារ
4.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិប្រមាណ ១៦៧,១ពាន់លានដុល្លារ
5.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១៤៥,២ពាន់លានដុល្លារ
6.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៣៩,៩ពាន់លានដុល្លារ
7.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១៣៥,៩ពាន់លានដុល្លារ
8.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៣៤,១ពាន់លានដុល្លារ
9.Bill Gates សហស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១៣០,៣ពាន់លានដុល្លារ
10.Steve Ballmer អតីត CEO ក្រុមហ៊ុន Microsoft មានទ្រព្យសម្បត្តិប្រមាណ ១២៣,១ពាន់លានដុល្លារ៕
