មហាសេដ្ឋីអាមេរិក Frank McCourt បានប្រកាសកាលពីសប្ដាហ៍មុនថា ក្រុមហ៊ុន Project Liberty របស់លោកកំពុងដំណើរការដេញថ្លៃ ទិញយកក្រុមហ៊ុន TikTok ដែលកំពុងមានបញ្ហាជាមួយរដ្ឋាភិបាលអាមេរិក។
![](https://www.oknha.news/wp-content/uploads/2024/05/Frank-McCourt-OM-1024x682.jpg)
យោងតាមការចុះផ្សាយពីសារព័ត៌មាន Firstpost បានបង្ហាញថា ការដេញថ្លៃនេះ កើតឡើងក្រោយប្រធានាធិបតីអាមេរិក ចូ បៃដិន បានចេញញត្តិមួយ ទាមទារឲ្យក្រុមហ៊ុនមេរបស់ TikTok គឺក្រុមហ៊ុន ByteDance ត្រូវតែលក់កម្មវិធី TikTok ដែលមានប្រតិបត្តិការនៅអាមេរិក បើមិនដូច្នោះទេគឺប្រឈមនឹងការបិទក្រុមហ៊ុនចោលទទេ។
គួររំលឹកបន្តិចថា ការដេញថ្លៃទិញក្រុមហ៊ុន TikTok នេះ គឺមានសិទ្ធគ្រប់គ្រងតែអាជីវកម្មរបស់ TikTok នៅសហរដ្ឋអាមេរិកប៉ុណ្ណោះ មិនមែនអាចគ្រប់គ្រងក្រុមហ៊ុនទាំងមូលទូទាំងសកលលោកឡើយ ខណៈទំហំទឹកប្រាក់ក្នុងការដេញថ្លៃគឺមិនទាន់ត្រូវបានទម្លាយឲ្យដឹងនៅឡើយទេ។
សូមជម្រាបដែរថា ក្រុមហ៊ុន ByteDance កំពុងតវ៉ាការទាមទារពីរដ្ឋាភិបាលអាមេរិក បើទោះជាភាគីអាមេរិកអះអាងថា រដ្ឋាភិបាលចិនអាចលួចយកទិន្នន័យប្រជាជនអាមេរិក តាមរយៈការប្រើប្រាស់កម្មវិធី TikTok ក៏ប៉ុន្តែក្រុមហ៊ុន ByteDance អះអាងថា ខ្លួនមិនជាប់ពាក់ព័ន្ធរឿងនយោបាយ ហើយក៏មិនមានបំណងលក់ក្រុមហ៊ុនដែរ៕