ក្រុមហ៊ុនរថយន្ត Toyota បានប្រកាសកាលពីថ្ងៃទី០៥ ខែមិថុនាថា ពួកគេនឹងវិនិយោគទឹកប្រាក់ ប្រមាណ ២៨២លានដុល្លារនៅទីក្រុង Huntsville រដ្ឋ Alabama សហរដ្ឋអាមេរិក។ នេះបើតាមការចុះផ្សាយពីសារព័ត៌មាន Reuters។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ចំពោះគម្រោងវិនិយោគថ្មីនោះ ក៏បានបង្កើនឱកាសការងាររហូតដល់ ៣៥០កន្លែង នៅក្នុងទីក្រុង Huntsville ខណៈក្រុមហ៊ុន Toyota បានអះអាងថា ឱកាសការងារទាំងនោះ គឺនឹងទទួលបានប្រាក់ឈ្នួលខ្ពស់ ហើយមានស្ថិរភាពថែមទៀត។
គួររំលឹកដែរថា រោងចក្រ Toyota នៅក្នុងរដ្ឋ Alabama គឺជាកន្លែងផលិតម៉ាស៊ីនរថយន្តធំបំផុតនៅទ្វីបអាមេរិកខាងជើង ដោយមានបុគ្គលិកច្រើនជាង ២ ០០០នាក់ និងអាចផលិតម៉ាស៊ីនរថយន្តរហូតដល់ ៧៧០ ០០០គ្រឿងកាលពីឆ្នាំ២០២៣។
ជម្រាបបន្ថែមថា គម្រោងវិនិយោគថ្មីនេះ បានធ្វើឲ្យក្រុមហ៊ុន Toyota បណ្ដាក់ទុនសរុបនៅក្នុងរដ្ឋ Alabama រហូតដល់ ១,៧ពាន់លានដុល្លាររួចហើយ៕
