នាយករដ្ឋមន្ត្រីថៃ លោក Srettha Thavisin បានដាក់សំណើទៅកាន់ព្រឹទ្ធសភា សម្រាប់កញ្ចប់ចំណាយទំហំ ៣,៧៥៣ទ្រីលានបាត ឬប្រហែល ១០២ពាន់លានដុល្លារ សម្រាប់ឆ្នាំសារពើពន្ធ ២០២៥ ដើម្បីស្ដារសេដ្ឋកិច្ចជាតិឡើងវិញ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការចុះផ្សាយពីសារព័ត៌មាន Reuters បានបង្ហាញថា កញ្ចប់ចំណាយសម្រាប់ឆ្នាំសារពើពន្ធ ២០២៥នោះ គឺមានកំណើនច្រើនជាងឆ្នាំ២០២៤ ជិត ២៥% ស្របពេលមានការព្យាករណ៍ថា ការចំណាយក្នុងឆ្នាំ២០២៥ នឹងមានកំណើន ៧,៨%។
សូមជម្រាបបន្ថែមថា នាយករដ្ឋមន្ត្រីថៃ បានអះអាងថា កញ្ចប់ចំណាយសម្រាប់ឆ្នាំ២០២៥នោះ នឹងជួយឲ្យប្រទេសមានសេដ្ឋកិច្ចធំបំផុតទី២ នៃតំបន់អាស៊ាន អាចសម្រេចបានកំណើនសេដ្ឋកិច្ច ចន្លោះពី ២,៥ ទៅ ៣,៥% និងអាចកាត់បន្ថយអត្រាអតិផរណាពី ០,៧ ទៅ ១,៧% ថែមទៀតផង៕
