មហាសេដ្ឋី Patrice Motsepe មានកំណើនទ្រព្យសម្បត្តិរហូតដល់ទៅ ៦០០លានដុល្លារ ក្នុងរយៈពេលត្រឹម ៩០ថ្ងៃប៉ុណ្ណោះ បន្ទាប់ពីការបណ្ដាក់ទុនរបស់លោកហុចផលបានល្អខ្លាំង។ នេះបើតាមការចុះផ្សាយពីគេហទំព័រ Nairametrics។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
លោក Motsepe បានធ្វើការបណ្ដាក់ទុនធំ នៅក្នុងក្រុមហ៊ុន African Rainbow Minerals Ltd ដែលរកស៊ីលើវិស័យជីករែ ដោយលោកមានហ៊ុននៅក្នុងនោះរហូតដល់ ៤០,៣៧% ឯណោះ។
តាំងពីដើមឆ្នាំ២០២៤ រហូតដល់ពេលបច្ចុប្បន្ន តម្លៃហ៊ុននៃក្រុមហ៊ុនជីករ៉ែធំបំផុតមួយ នៅទ្វីបអាហ្វ្រិកមួយនេះ មានកំណើនប្រហែល ១១% ដែលធ្វើឲ្យទ្រព្យសម្បត្តិរបស់លោក Motsepe ក៏កើនឡើងដូចគ្នា។
សូមជម្រាបដែរថា លោក Patrice Motsepe គឺជាមហាសេដ្ឋីស្បែកខ្មៅដំបូងគេ ដែលបានបង្ហាញមុខលើក្របទស្សនាវដ្ដី Forbes កាលពីឆ្នាំ២០០៨ ខណៈបច្ចុប្បន្ននេះ លោកមានទ្រព្យសម្បត្តិសរុបប្រហែល ៣,១ពាន់លានដុល្លារ៕
