ស្ដេចអង់គ្លេស យករទេះសេះទទួលព្រះចៅអធិរាជជប៉ុន សម្រាប់ការយាងបំពេញទស្សនកិច្ចផ្លូវរដ្ឋ

កាលពីថ្ងៃទី២៥ ខែមិថុនា ព្រះចៅអធិរាជជប៉ុន Naruhito និងព្រះមហេសី Masako បានចាប់ផ្ដើមយាងបំពេញទស្សនកិច្ចនៅចក្រភពអង់គ្លេសជាផ្លូវការ ខណៈដំណើរទស្សនកិច្ចមួយនេះ នឹងមានរយៈពេល ៣ថ្ងៃ។

យោងតាមការចុះផ្សាយពីគេហទំព័រ CNA បានបង្ហាញថា ការយាងបំពេញទស្សនកិច្ចផ្លូវរដ្ឋលើកដំបូង របស់ព្រះចៅអធិរាជជប៉ុន ទៅអង់គ្លេសតាំងពីឆ្នាំ១៩៩៨ ទទួលបានការស្វាគមន៍យ៉ាងកក់ក្ដៅ​ពីស្ដេចអង់គ្លេស King Charles III មុនពេលយាងទៅវិមាន Buckingham Palace ដោយរទេះសេះ ដើម្បីសោយ​ភោជនីយាហារថ្ងៃត្រង់។

សូមជម្រាបដែរថា ព្រះចៅអធិរាជជប៉ុន និងព្រះមហេសីបានយាងមកដល់ចក្រភពអង់គ្លេស តាំងពីថ្ងៃសៅរ៍សប្ដាហ៍មុន និងបានជួបជាមួយស្ដេចអង់គ្លេស King Charles III និងម្ចាស់ក្សត្រី Queen Camila នៅកណ្ដាលទីក្រុងឡុងដ៍ម្ដងហើយ ក៏ប៉ុន្តែជំនួបមួយនោះគឺជាការណាត់ជួបក្រៅផ្លូវការ ខណៈដំណើរទស្សនកិច្ចផ្លូវរដ្ឋគឺចាប់ផ្ដើមពីថ្ងៃទី២៥ ខែមិថុនាម្សិលមិញនេះ៕