ឥណ្ឌា និងសមាជិកអាស៊ាន ៤ប្រទេសទៀត គ្រោងរៀបចំផែនការទូទាត់ប្រាក់ឆ្លងប្រទេស

ធនាគារកណ្ដាលនៃប្រទេសឥណ្ឌា និងសមាជិកអាស៊ានចំនួន ៤ប្រទេសទៀត រួមមានម៉ាឡេស៊ី ថៃ សិង្ហបុរី និងហ្វីលីពីន កំពុងធ្វើការជាមួយគ្នាយ៉ាងយកចិត្តទុកដាក់ ចំពោះគម្រោងការទូទាត់សាច់ប្រាក់ឆ្លងប្រទេស។

យោងតាមការចុះផ្សាយពីសារព័ត៌មាន Reuters បានបង្ហាញថា ផែនការទូទាត់ប្រាក់រវាងសមាជិកអាស៊ាន ៤ប្រទេស និងឥណ្ឌា គ្រោងចាប់ផ្ដើមដំណើរការនៅក្នុងឆ្នាំ២០២៦ ខាងមុខ។

ផែនការមួយនេះ ត្រូវបានគេឲ្យឈ្មោះថា Projec Nexus ដែលបង្កើតឡើងក្នុងគោលបំណង បង្កើនការទូទាត់សាច់ប្រាក់ឆ្លងប្រទេស ក្នុងកម្រិតលឿនបំផុត និងមានជួយសម្រាលដល់ការធ្វើពាណិជ្ជកម្មរវាងប្រទេសនៅក្នុងតំបន់អាស៊ី។

សូមជម្រាបដែរថា សមាជិកអាស៊ានទាំង ៤ប្រទេសខាងលើ និងប្រទេសឥណ្ឌា នឹងក្លាយជាស្ថាបនិក នៃកម្មវិធីទូទាត់សាច់ប្រាក់មួយនេះ ស្របពេលប្រទេសឥណ្ឌូណេស៊ី ដើរតួជាអ្នកសង្កេតការណ៍ពិសេស សម្រាប់គម្រោងមួយនេះ៕