ក្រុមវិនិយោគិនអង់គ្លេស បានចំណាយប្រាក់ប្រហែល ១១,៤ពាន់លានផោន ឬប្រមាណ ១៤,៥ពាន់លានដុល្លារ នៅលើផ្សារហ៊ុនរយៈពេល ៦ខែដំបូងនៃឆ្នាំ២០២៤។ នេះបើតាមការចុះផ្សាយពីសារព័ត៌មាន Reuters។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ការចំណាយរបស់ក្រុមវិនិយោគិនអង់គ្លេស ត្រូវបានគេចាត់ទុកថា ជាការចាយវាយច្រើនបំផុតនៅលើផ្សារហ៊ុន រយៈពេល ១០ឆ្នាំចុងក្រោយនេះ ខណៈត្រឹមតែមួយខែមិថុនាប៉ុណ្ណោះ ពួកគេបណ្ដាក់ទុនលើភាគហ៊ុនជិត ២ពាន់លានដុល្លារ។
សូមជម្រាបដែរថា អង់គ្លេស គឺជាទីផ្សារហ៊ុនធំបំផុតលើលោកទី៣ ដោយមានមូលធនទីផ្សាររហូតដល់ ៤,១ទ្រីលានដុល្លារ ហើយវាមានអាយុកាលជាង ២០០ឆ្នាំមកហើយ ពោលត្រូវបានបង្កើតឡើងដំបូងក្នុងឆ្នាំ១៨០១៕
