ស្ថាបនិកក្រុមហ៊ុន Amazon មហាសេដ្ឋី Jeff Bezos មានគម្រោងលក់ភាគហ៊ុនតម្លៃ ៥ពាន់លានដុល្លារ បន្ទាប់ពីតម្លៃភាគហ៊ុនក្រុមហ៊ុនអាមេរិកមួយនេះ ហក់ឡើងដល់ចំណុចខ្ពស់បំផុតមិនធ្លាប់មាន។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការចុះផ្សាយពីសារព័ត៌មាន Reuters បានបង្ហាញថា ដំណឹងនៃការលក់ភាគហ៊ុន ២៥លានហ៊ុនរបស់មហាសេដ្ឋីអាមេរិកខាងលើ ត្រូវបានបែកធ្លាយក្រោយផ្សារហ៊ុនបានបិទកាលពីថ្ងៃអង្គារ៍ ខណៈតម្លៃភាគហ៊ុនឡើងថ្លៃកប់ពពក ប្រមាណ ២០០ដុល្លារក្នុងមួយហ៊ុន។
តម្លៃភាគហ៊ុនរបស់ Amazon មានកំណើនវិជ្ជមានខ្លាំងនៅក្នុងឆ្នាំនេះ ពោលរយៈពេលមួយឆមាសដំបូង វាមានកំណើនរហូតដល់ ៣០% បាត់ទៅហើយ។
សូមជម្រាបដែរថា ក្រោយប្រកាសពីផែនការលក់ភាគហ៊ុននេះហើយ មហាសេដ្ឋីមានបំផុតលើលោកទី២ នឹងនៅសល់ ៩១២លានហ៊ុនទៀតនៅក្នុងក្រុមហ៊ុន Amazon ខណៈកាលពីខែកុម្ភៈ Jeff Bezos ធ្លាប់បានបញ្ចេញភាគហ៊ុនចំនួន ៨,៥ពាន់លានដុល្លាររួចម្ដងហើយ៕
