ទ្រព្យសម្បត្តិមហាសេដ្ឋីមានបំផុតលើលោក Elon Musk មានការថយចុះច្រើនជាងគេ ក្នុងរយៈពេល ៦ខែដំបូង ដោយមេធំ Tesla រូបនេះរបូតលុយប្រហែល ២៩,៩ពាន់លានដុល្លារ។ នេះបើតាមការចុះផ្សយពីសារព័ត៌មាន Forbes។
គិតចាប់ពីថ្ងៃទិ៣១ ខែធ្នូ ឆ្នាំ២០២៣ រហូតដល់ថ្ងៃទី២៨ ខែមិថុនា ឆ្នាំ២០២៤ ទ្រព្យសម្បត្តិរបស់ Elon Musk ធ្លាក់ចុះពីចំនួន ២៥១,៣ពាន់លានដុល្លារ មកនៅត្រឹម ២២១,៤ពាន់លានដុល្លារ ស្របពេល Forbes អះអាងថា រយៈពេល ៦ខែនេះ មិនមានមហាសេដ្ឋីណា ដែលខាតបង់លុយច្រើនជាង Elon Musk ឡើយ។
គួររំលឹកបន្តិចថា ទ្រព្យសម្បត្តិរបស់ Elon Musk ចាប់ផ្ដើមថយចុះ បន្ទាប់ពីតុលាការរដ្ឋ Delaware សម្រេចបង្កកកញ្ចប់ទឹកប្រាក់ ៥១ពាន់លានដុល្លារ ដែល Elon Musk ត្រូវទទួលបានពីក្រុមហ៊ុន Tesla។
យ៉ាងណា ជុំវិញបញ្ហាមួយនោះ គឺកំពុងត្រូវបានដោះស្រាយ ដោយក្រុមម្ចាស់ភាគហ៊ុន Tesla បានឯកភាពភាគច្រើន លើការព្រមព្រៀងបើកប្រាក់នោះឲ្យ Elon Musk ក៏ប៉ុន្តែមេធំ Tesla រូបនេះ ក៏ត្រូវនៅរង់ចាំការតវ៉ាក្ដីជាមួយតុលាការរដ្ឋ Delaware ដដែល៕
