ក្រុមហ៊ុន Foxconn ដែលមានមូលដ្ឋាននៅទីក្រុងតៃប៉ិ គ្រោងធ្វើការបណ្ដាក់ទុនចំនួន ៥៥១លានដុល្លារ លើគម្រោងធំៗ២ នៅខេត្ត Quang Ninh ភាគខាងជើងប្រទេសវៀតណាម។ នេះបើតាមការចុះផ្សាយពីសារព័ត៌មាន Bloomberg។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ក្រុមហ៊ុនតៃវ៉ាន់មួយនេះ ទទួលបានអាជ្ញាប័ណ្ណលើគម្រោងតម្លៃ ២៦៤លានដុល្លារ នៅក្នុងសួនឧស្សាហកម្ម Song Khoai Amata ដើម្បីផលិតឧបករណ៍កម្សាន្តឆ្លាតវៃ ជាមួយសមត្ថភាពផលិតប្រចាំឆ្នាំបាន ៤,២លានគ្រឿង។
បន្ថែមពីនោះ ពួកគេក៏ទទួលបាននូវអាជ្ញាប័ណ្ណអភិវឌ្ឍន៍លើគម្រោងមួយទៀតនៅក្នុងសួនឧស្សាហកម្ម Bac Tien Phong ដែលមានតម្លៃ២៨៧លានដុល្លារ ជាមួយផែនការបង្កើតឧបករណ៍ប្រព័ន្ធឆ្លាតវៃផងដែរ។
សូមជម្រាបដែរថា រដ្ឋបាលខេត្ត Quang Ninh ក៏បានប្រកាសថា នឹងរៀបចំក្រុមការងារមួយចំនួន ដើម្បីជួយពន្លឿនការងាររបស់ក្រុមហ៊ុន Foxconn ក៏ដូចជាពន្លឿនការសាងសង់រោងចក្រទាំង ២កន្លែងនោះឲ្យចប់ត្រឹមខែកញ្ញា ឆ្នាំ២០២៥៕
