ផែនការចែកលុយឌីជីថល ៥០០ពាន់លានបាត ឬប្រហែល ១៤,៥ពាន់លានដុល្លារ ដែលបំផុសឡើងដោយអតីតនាយករដ្ឋមន្ត្រីថៃ លោក Srettha Thavisin បានទទួលការគាំទ្រពីឪពុកនាយករដ្ឋមន្ត្រីបច្ចុប្បន្ន លោក ថាក់ស៊ីន ស៊ីណាវ៉ាត្រា ចំពេលមានមន្ទិលសង្ស័យ ចំពោះគម្រោងការមួយនេះ។
យោងតាមការចុះផ្សាយពីសារព័ត៌មាន Reuters បានបង្ហាញថា លោក ថាក់ស៊ីន បានអះអាងថា គម្រោងការចែកលុយជូនប្រជាជនថៃ ៥០លាននាក់ គឺប្រៀបដូចជាការជំរុញសេដ្ឋកិច្ចឲ្យកាន់តែប្រសើរជាងមុន ដូច្នេះវាគួរតែត្រូវបានអនុវត្តដូចផែនការគ្រោងទុក។
គួររំលឹកបន្តិចថា បើទោះជាបច្ចុប្បន្ន លោក ថាក់ស៊ីន មិនមានមុខតំណែងនៅក្នុងជួររដ្ឋាភិបាលថៃក្ដី តែលោកគឺជាបុគ្គលមួយរូប ដែលប្រជាជនគោរពស្រលាញ់ ជាពិសេសគឺជាឪពុកបង្កើតរបស់នាយករដ្ឋមន្ត្រីវ័យក្មេង អ្នកនាង ផែថុនថាន ស៊ីណាវ៉ាត្រា តែម្ដង។
សូមជម្រាបដែរថា ផែនការចែកលុយជូនប្រជាជនថៃចំនួន ៥០០ពាន់លានបាតនោះ គឺកំពុងស្ថិតនៅក្នុងភាពស្រពិចស្រពិល ក្រោយលោក Srettha Thavisin ត្រូវបានរដ្ឋសភា បោះឆ្នោតទម្លាក់តំណែងពីនាយករដ្ឋមន្ត្រី ក្រោយបំពានច្បាប់រដ្ឋធម្មនុញ្ញ ស្របពេលមេដឹកនាំថៃថ្មី កំពុងសិក្សាយ៉ាងលំអិតបន្ថែម អំពីគម្រោងមួយនេះ៕
