ក្រុមហ៊ុនរថយន្តអគ្គិសនី VinFast របស់មហាសេដ្ឋីមានបំផុតនៅវៀតណាម លោក Pham Nhat Voung បានប្រកាសពីការខាតបង់ប្រហែល ៧៧០លានដុល្លារ នៅត្រីមាសទី២ បើទោះជាប្រាក់ចំណូលមានការកើនឡើងក្ដី។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការឲ្យដឹងពីគេហទំព័រ Reuters បានបង្ហាញថា ប្រាក់ចំណូលប្រចាំត្រីមាសទី២ របស់ក្រុមហ៊ុន VinFast មានកំណើន ២៧% តែក្រុមហ៊ុនវៀតណាមនេះនៅតែជួបភាពខាតបង់ ដ៏ច្រើនសន្ធឺក។
ការខាតបង់ដ៏ធំរបស់ក្រុមហ៊ុនរថយន្តមួយនេះ គឺបណ្ដាលមកពីការពង្រីកវិសាលភាពក្រុមហ៊ុននៅក្រៅប្រទេស គួបផ្សំការជួសជុលរថយន្តជាច្រើនម៉ឺនគ្រឿង ដែលមានបញ្ហា ក៏ដូចជាការប្ដឹងផ្ដល់កន្លងមកជាដើម។
សូមជម្រាបដែរថា ក្រុមហ៊ុន VinFast គឺជាអ្នកផលិតរថយន្តអគ្គិសនីធំបំផុតនៅវៀតណាម ហើយបច្ចុប្បន្នកំពុងជ្រៀតខ្លួន ចូលប្រជែងលើទីផ្សារអន្តរជាតិ ជាពិសេសគឺនៅសហរដ្ឋអាមេរិក៕
