ស្ថាបនិកក្រុមហ៊ុន Amazon លោក Jeff Bezos បានដណ្តើមតំណែងជាមហាសេដ្ឋីមានទ្រព្យសម្បត្តិច្រើនជាងគេបំផុតលើពិភពលោកទី០២ ពីស្ថាបនិកក្រុមហ៊ុន Oracle លោក Larry Ellison ដែលធ្លាក់មកកាន់ចំណាត់ថ្នាក់លេខ០៣ វិញ។
យោងតាមការចុះផ្សាយពីសារព័ត៌មាន Forbes បានបង្ហាញថា ទ្រព្យសម្បត្តិសរុបរបស់លោក Bezos បានកើនឡើងដល់ ២១៥ពាន់លានដុល្លារ នៅក្នុងសប្តាហ៍នេះ ដែលធ្វើឲ្យលោកហក់ឡើងមកចំណាត់ថ្នាក់កំពូលតារាងទីពីរវិញ ដោយតាមពីក្រោយតែម្ចាស់ក្រុមហ៊ុន Tesla លោក Elon Musk ប៉ុណ្ណោះ។
ខាងក្រោមនេះគឺជាបញ្ជីឈ្មោះមហាសេដ្ឋីមានបំផុតលើលោកទាំង ១០រូប គិតត្រឹមថ្ងៃទី២ ខែវិច្ឆិកា ផ្អែកតាមទិន្នន័យពីសារព័ត៌មាន Forbes៖
1.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ២៦៣,៣ពាន់លានដុល្លារ
2.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិប្រមាណ ២១៥ពាន់លានដុល្លារ
3.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ២០៧,១ពាន់លានដុល្លារ
4.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិសរុបប្រមាណ ១៩៦,២ពាន់លានដុល្លារ
5.Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៦៩,៥ពាន់លានដុល្លារ
6.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១៤២,២ពាន់លានដុល្លារ
7.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៤២,១ពាន់លានដុល្លារ
8.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៣៦ពាន់លានដុល្លារ
9.Amancio Ortega ស្ថាបនិកក្រុមហ៊ុន Zara មានទ្រព្យសម្បត្តិប្រមាណ ១២៨,២ពាន់លានដុល្លារ
10.Steve Ballmer អតីតនាយកប្រតិបត្តិក្រុមហ៊ុន Microsoft មានទ្រព្យសម្បត្តិប្រមាណ ១២១,៩ពាន់លានដុល្លារ៕
