ទ្រព្យសម្បត្តិមហាសេដ្ឋីមានដាច់គេលើពិភពលោក កើនឡើងតិចតួច បើធៀបទៅនឹងសប្តាហ៍មុន

ទ្រព្យសម្បត្តិរបស់កំពូលមហាសេដ្ឋីមានដាច់គេលើពិភពលោក គឺស្ថាបនិកក្រុមហ៊ុន Tesla លោក Elon Musk បន្តកើនឡើងតិចតួចប៉ុណ្ណោះ បើធៀបទៅនឹងសប្តាហ៍មុន។ នេះបើយោងតាមរបាយការណ៍ទទួលបានពីសារព័ត៌មាន Forbes។

ប្រភពដដែលបានបង្ហាញឲ្យដឹងទៀតថា ទ្រព្យសម្បត្តិសរុបរបស់លោក Musk កាលពីសប្តាហ៍មុនមានចំនួនសរុបប្រមាណ ៣២០ពាន់លានដុល្លារ ខណ:បើធៀបទៅនឹងសប្តាហ៍នេះ ទ្រព្យសម្បត្តិរបស់លោកបានកើនឡើងដល់ ៣២១,៧ពាន់ដុល្លារ។

ខាងក្រោមនេះគឺជាបញ្ជីឈ្មោះមហាសេដ្ឋីមានបំផុតលើលោកទាំង ១០រូប គិតត្រឹមថ្ងៃទី២៣ ខែវិច្ឆិកា ដោយផ្អែកតាមទិន្នន័យពីសារព័ត៌មាន Forbes៖

1.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ៣២១,៧ពាន់លានដុល្លារ

2.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ២៣៥,៣ពាន់លានដុល្លារ

3.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិប្រមាណ ២១៣,៥ពាន់លានដុល្លារ

4.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិសរុបប្រមាណ ១៩៣,៥ពាន់លានដុល្លារ

5.Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៥៧ពាន់លានដុល្លារ

6.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១៤៩,៧ពាន់លានដុល្លារ

7.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៣៧,២ពាន់លានដុល្លារ

8.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៣១,៤ពាន់លានដុល្លារ

9.Amancio Ortega ស្ថាបនិកក្រុមហ៊ុន Zara មានទ្រព្យសម្បត្តិប្រមាណ ១២៤,៧ពាន់លានដុល្លារ

10.Jensen Huang នាយកប្រតិបត្តិក្រុមហ៊ុន Nvidia មានទ្រព្យសម្បត្តិប្រមាណ ១២៣,៨ពាន់លានដុល្លារ៕