កៀកបិទទំព័រឆ្នាំ២០២៤ ទ្រព្យសម្បត្តិរបស់មហាសេដ្ឋីកំពូលៗលើពិភពលោក កើនឡើងព្រមៗគ្នា

ឆ្នាំ២០២៤ កាន់តែជិតខិតកន្លងផុតទៅ ទ្រព្យសម្បត្តិរបស់មហាសេដ្ឋីកំពូលៗរបស់ពិភពលោក ត្រូវបានគេមើលឃើញថាបន្តកើនឡើងព្រមៗគ្នា ជាក់ស្តែងដូចជាស្ថាបនិករបស់ក្រុមហ៊ុន Tesla លោក Elon Musk ដែលបានក្លាយជាបុគ្គលដំបូងគេ ក្នុងការឈានដល់ចំនួនទ្រព្យជាង ៤០០លានដុល្លារ។

ទន្ទឹមនឹងនោះ ទ្រព្យសម្បត្តិរបស់មហាសេដ្ឋីស្ថាបនិកក្រុមហ៊ុន Amazon លោក Jeff Bezos ក៏ដូចជាស្ថាបនិកក្រុមហ៊ុន Oracle លោក Larry Ellison និងមហាសេដ្ឋី Mark Zuckerberg ស្ថាបនិកក្រុមហ៊ុន Meta Platforms ក៏បន្តកើនឡើងផងដែរ ក្នុងរយ:ពេលប៉ុន្មានខែចុងក្រោយនេះ។

ខាងក្រោមនេះ គឺជាបញ្ជីឈ្មោះមហាសេដ្ឋីមានបំផុតលើលោកទាំង ១០រូប គិតត្រឹមថ្ងៃទី២៨ ខែធ្នូ ដោយផ្នែកតាមទិន្នន័យទទួលបានពី Forbes៖

1.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ៤៣៦,៨ពាន់លានដុល្លារ

2.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិប្រមាណ ២៣៧,៥ពាន់លានដុល្លារ

3.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ២១៣,៣ពាន់លានដុល្លារ

4.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិសរុបប្រមាណ ២០៧,៤ពាន់លានដុល្លារ

5.Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៦៩,៣ពាន់លានដុល្លារ

6.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៥៨,៨ពាន់លានដុល្លារ

7.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៥១,៥ពាន់លានដុល្លារ

8.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១៤២,៥ពាន់លានដុល្លារ

9.Steve Ballmer អតីតនាយកប្រតិបត្តិក្រុមហ៊ុន Microsoft មានទ្រព្យសម្បត្តិប្រមាណ ១២៦,៣ពាន់លានដុល្លារ

10.Jensen Huang នាយកប្រតិបត្តិក្រុមហ៊ុន Nvidia មានទ្រព្យសម្បត្តិប្រមាណ ១១៩,៦ពាន់លានដុល្លារ៕