សហស្ថាបនិកក្រុមហ៊ុន Facebook មហាសេដ្ឋី Mark Zuckerberg កាន់តែក្នុងការដណ្តើមយកតំណែងជាអ្នកមានដាច់គេទី០៣ លើពិភពលោក ត្រលប់មកវិញ បន្ទាប់ពីគម្លាតទ្រព្យសម្បត្តិ ជាមួយមេធំក្រុមហ៊ុន Oracle លោក Larry Ellison ខុសគ្នាត្រឹមតែ ៦០០លានដុល្លារប៉ុណ្ណោះ។
បើតាមការចុះផ្សាយពីសារព័ត៌មាន Forbes បានបង្ហាញឲ្យដឹងថា ទ្រព្យសម្បត្តិសរុបបច្ចុប្បន្នរបស់លោក Mark មានចំនួនប្រមាណ ២០៩ពាន់លានដុល្លារ ខណ:ទ្រព្យសម្បត្តិរបស់លោក Ellison ដែលបច្ចុប្បន្នកំពុងឈរនៅចំណាត់ថ្នាក់លេខ០៣ មានចំនួនសរុបប្រមាណ ២០៩,៦ពាន់លានដុល្លារ។
ខាងក្រោមនេះ គឺជាបញ្ជីឈ្មោះមហាសេដ្ឋីមានបំផុតលើលោកទាំង ១០រូប គិតត្រឹមថ្ងៃទី៤ ខែមករា ឆ្នាំ២០២៥ ដោយផ្នែកតាមទិន្នន័យទទួលបានពី Forbes៖
1.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ៤២៤,៩ពាន់លានដុល្លារ
2.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិប្រមាណ ២៣៧,៩ពាន់លានដុល្លារ
3.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ២០៩,៦ពាន់លានដុល្លារ
4.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិសរុបប្រមាណ ២០៩ពាន់លានដុល្លារ
5.Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៦១ពាន់លានដុល្លារ
6.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៥៨ពាន់លានដុល្លារ
7.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៥០,៩ពាន់លានដុល្លារ
8.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១៤១,៨ពាន់លានដុល្លារ
9.Jensen Huang នាយកប្រតិបត្តិក្រុមហ៊ុន Nvidia មានទ្រព្យសម្បត្តិប្រមាណ ១២៦ពាន់លានដុល្លារ
10.Steve Ballmer អតីតនាយកប្រតិបត្តិក្រុមហ៊ុន Microsoft មានទ្រព្យសម្បត្តិប្រមាណ ១២៤,៧ពាន់លានដុល្លារ៕
