មួយរយៈកាលចុងក្រោយនេះ ក្រុមហ៊ុន TikTok ដែលជាបុត្រសម្ព័ន្ធរបស់ក្រុមហ៊ុនខ្នាតយក្សនៅចិន ByteDance កំពុងទទួលរងព្យុះភ្លៀងពីបណ្ដាប្រទេសជាច្រើន ជាពិសេសនៅសហភាពអឺរ៉ុប និងនៅលោកខាងលិចតែម្ដង។
កាលពីពេលថ្មីៗនេះ សហរដ្ឋអាមេរិក បានប្រកាសបិទដំណើរការកម្មវិធី TikTok នៅលើទឹកដីរបស់ខ្លួនតែម្តង បន្ទាប់ពីច្បាប់ហាមឃាត់មួយដែលត្រូវបានចុះហត្ថលេខាដោយអតីតប្រធានាធិបតីអាមេរិក លោក ចូ បៃដិន បានចូលជាធរមាន។
ប៉ុន្តែទោះជាយ៉ាងណាក៏ដោយ ក្រោយពីទទួលបានការអន្តរាគមន៍ដោយប្រធានាធិបតីជាប់ឆ្នោតអាណត្តិថ្មី លោក ដូណាល់ ត្រាំ កម្មវិធី TikTok ត្រូវបានមើលឃើញថាបានបើកដំណើរការឡើងវិញហើយ គិតនៅត្រឹមថ្ងៃចន្ទនេះ។
ក្រៅពីអាមេរិកក៏នៅមានប្រទេសជាច្រើនទៀត សរុបច្រើនជាង ១០ប្រទេសដែលកំពុងបិទ និងពិចារណាហាមឃាត់មិនឲ្យប្រើប្រាស់ TikTok ក្នុងមូលហេតុស្រដៀងៗគ្នានឹងអាមេរិក ពោលហាមមិនឲ្យមន្ត្រីរាជការប្រើប្រាស់កម្មវិធីចិន ដោយសារបារម្ភខ្លាចមានការលួចទិន្នន័យផ្ទាល់ខ្លួន។
ខាងក្រោមនេះគឺជាបញ្ជីឈ្មោះប្រទេស ដែល TikTok ត្រូវបានហាមមិនឲ្យប្រើប្រាស់ ដោយផ្អែកតាមការចុះផ្សាយពី Euronews៖
1/ចក្រភពអង់គ្លេស
2/ស្ថាប័នកំពូលទាំង៣ នៃសហភាពអឺរ៉ុប (សភាអឺរ៉ុប គណៈកម្មការអឺរ៉ុប និងក្រុមប្រឹក្សាសហភាពអឺរ៉ុប)
3/ប្រទេសបារាំង
4/ប្រទេសហូឡង់
5/ប្រទេសន័រវែស
6/ប្រទេសនូវែលហ្សេឡង់
7/ប្រទេសប៊ែលហ្ស៉ិក
8/ប្រទេសដាណឺម៉ាក
9/សហរដ្ឋអាមេរិក
10/ប្រទេសកាណាដា
11/ប្រទេសឥណ្ឌា
12/កោះតៃវ៉ាន់
13/ប្រទេសប៉ាគីស្ថាន
14/ប្រទេសអាហ្វហ្គានីស្ថាន
15/ប្រទេសអាល់បានី
16/ប្រទេសអូស្រ្តាលី
17/ប្រទេសអេស្តូនី
