ទីក្រុងមួយភាគខាងជើងប្រទេសចិនដែលមានព្រំប្រទល់ជាមួយប្រទេសរុស្ស៊ីបានបិទបណ្ដោះអាសន្ន ដោយសារបារម្ភការឆ្លងវីរុសកូវីដ ១៩ថ្មី ស្របពេលកំពុងមានអត្រាឆ្លងច្រើន ជាពិសេសគឺការឆ្លងជាសហគមន៍តែម្ដងក្នុងរយៈពេល ១ ខែមកនេះ។
យោងតាមការឲ្យដឹងពីអាជ្ញាធរផ្នែកសុខាភិបាលបានរាយការណ៍មកថា មានករណីឆ្លងថ្មីចំនួន ៩១ ករណីនៅក្នុង ឬកៀកនឹងទីក្រុង Manzhouli ដែលជាទីក្រុងមានប្រជាជន ២៣១ ០០០ នាក់រស់នៅ។
អាជ្ញាធរមូលដ្ឋានបាននិយាយថា គោលបំណងនៃការបិទក្រុងនេះ គឺដើម្បីទប់ស្កាត់ និងគ្រប់គ្រងស្ថានការណ៍ឆ្លងនៅច្រកពាណិជ្ជកម្ម និងរារ៉ាំងការចម្លងវីរុសទៅកាន់ប្រទេសផ្សេងទៀតតាមរយៈការនាំចេញទំនិញផងដែរ។
ការសម្រេចចិត្តបញ្ឈប់រថភ្លើងដែលដឹកធ្យូងថ្មបានកើតមានឡើង ស្របពេលនៅប្រទេសចិនក្នុងប៉ុន្មានខែថ្មីៗនេះ មានបញ្ហាកង្វះថាមពលដែលបង្ខំឱ្យរោងចក្រជាច្រើនបានបិទទ្វារ ដោយសារតែគោលដៅនៃការបំភាយឧស្ម័នដ៏តឹងរ៉ឹង និងតម្លៃកំណត់ត្រាសម្រាប់ឥន្ធនៈហ្វូស៊ីល។
ដោយឡែក ទីក្រុងប៉េកាំងបានរក្សាវិធីសាស្រ្តគ្មានហានិភ័យយ៉ាងតឹងរ៉ឹង ចាប់តាំងពីមេរោគបានផ្ទុះឡើងដំបូងនៅកណ្តាលទីក្រុង Wuhan នៅចុងឆ្នាំ 2019 ដោយប្រើវិធីសាស្ត្របិទទីក្រុងដែលមានការឆ្លង ការគ្រប់គ្រងព្រំដែន និងការធ្វើតេស្តទ្រង់ទ្រាយធំ ដើម្បីរក្សាការផ្ទុះឡើងនៅក្រោមការគ្រប់គ្រង។
ដោយឡែក បើតាមដំណឹងចុងក្រោយដែលទទួលបានគឺ ៣ ករណីឆ្លងចុងក្រោយ គឺឆ្លងតាមរយៈការប៉ះពាល់ទំនិញ ដែលធ្លាប់ប៉ះពាល់ជាមួយអ្នកឆ្លង ដូច្នេះហើយការសម្រេចចិត្តបិទទីក្រុង និងច្រកព្រំដែន ច្រកពាណិជ្ជកម្មពេលនេះគឺជារឿងត្រឹមត្រូវបំផុត ព្រោះប្រសិនបើវីរុសបំលែងថ្មីអាចឆ្លងតាមរយៈទំនិញបានមែននោះ អត្រានៃការឆ្លងច្បាស់ជាពិបាកគ្រប់គ្រងជាមិនខាន៕
ប្រភព: CNA
