នៅព្រឹកថ្ងៃទី ១៦ កក្កដា ២០២២ នេះ តំណែង Top 4 នៃបញ្ជីអ្នកមានបំផុតលើលោកទាំង ១០ រូបដែលរៀបរៀងឡើងដោយ Forbes មានការប្រែប្រួល ដោយសារ Bill Gates ដែលធ្លាប់តែឈរនៅលេខរៀងទី ៤ បានធ្លាក់មកនៅលេខរៀងទី ៥ វិញ។
ដោយឡែក បុគ្គលដែលដណ្ដើមតំណែងរបស់ស្ថាបនិក Microsoft គឺជាស្ដេចត្រាញ់មានបំផុតនៅអាស៊ី Gautam Adani ខណៈទ្រព្យសម្បត្តិរបស់លោកកើនឡើងប្រហែល ៧ ពាន់លានដុល្លារ បើធៀបនឹងសប្ដាហ៍កន្លងទៅ។
មូលហេតុដែលធ្វើឲ្យ Bill Gates របូតតំណែង Top 4 គឺដោយសារកាលពីពេលថ្មីៗនេះ រូបលោកបានបរិច្ចាគថវិកាផ្ទាល់ខ្លួនប្រមាណ ២០ ពាន់លានដុល្លារ ទៅកាន់អង្គការសប្បុរសធម៌ Bill & Melinda Gates Foundation។
តទៅនេះគឺជាបញ្ជីឈ្មោះមហាសេដ្ឋីមានបំផុតទាំង ១០ រូបដែលកំពុងមានវត្តមានលើទស្សនាវដ្ដី Forbes គិតត្រឹមថ្ងៃទី ១៦ កក្កដា ២០២២៖
1. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ២៣០,៤ ពាន់លានដុល្លារ
2. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៤៧,២ ពាន់លានដុល្លារ
3. Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១៣៩,២ ពាន់លានដុល្លារ
4. Guatam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ១១២,៦ ពាន់លានដុល្លារ
5. Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១០៣ ពាន់លានដុល្លារ
6. Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ៩៧,៣ ពាន់លានដុល្លារ
7. Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ៩៦,៩ ពាន់លានដុល្លារ
8. Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩៦,៧ ពាន់លានដុល្លារ
9. Sergey Brin សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩៣ ពាន់លានដុល្លារ
10. Mukesh Ambani ស្ថាបនិកក្រុមហ៊ុន Reliance Industries មានទ្រព្យសម្បត្តិសរុបប្រមាណ ៨៧,១ ពាន់លានដុល្លារ៕
