ស្ថានការណ៍រវាងមហាអំណាចអាមេរិក និងចិនគឺកាន់តែតានតឹង ក្រោយប្រធានសភាអាមេរិក Nancy Pelosi នៅប្រកាន់ជំហរនឹងធ្វើដំណើរទស្សនកិច្ចទៅតៃវ៉ាន់ ខណៈចិនធ្លាប់ព្រមានញយដងឲ្យអាមេរិកដកខ្លួនចេញពីបញ្ហារវាងចិន និងតៃវ៉ាន់។
យ៉ាងណា រដ្ឋាភិបាលអាមេរិកបានចេញសេចក្ដីថ្លែងការណ៍មួយថា ដំណើរទស្សនកិច្ចរបស់លោកស្រី Pelosi គឺមិនប៉ះពាល់ដល់បញ្ហារវាងចិន និងតៃវ៉ាន់ឡើយ ដូច្នេះហើយរដ្ឋាភិបាលចិនគួរកុំយកលេសមួយនេះ បង្កើតបញ្ហាតូចឲ្យក្លាយជាទំនាស់ធំឲ្យសោះ។
“វាគ្មានហេតុផលអីដែលរដ្ឋាភិបាលប៉េកាំងបង្វែរដំណើរទស្សនកិច្ច ជាមួយនឹងគោលនយោបាយរបស់សហរដ្ឋអាមេរិកដែលមានយូរមកហើយ ទៅជាការបង្កើតជំលោះ ឬប្រើវាជាលេសដើម្បីបង្កសង្គ្រាមនៅច្រកសមុទ្រតៃវ៉ាន់នោះទេ”។ នេះបើតាមសម្ដីអ្នកនាំពាក្យសន្តិសុខជាតិ John Kirby បានប្រាប់ Independent កាលពីថ្ងៃច័ន្ទ។
“ទន្ទឹមនឹងនោះ សកម្មភាពរបស់ពួកយើងគឺមិនប៉ះពាល់ ឬមានការគម្រាមកំហែងដល់មូលដ្ឋានគ្រឹះថ្មីណាឡើយ ហើយដំណើរទស្សនកិច្ចមួយនេះក៏នឹងមិនផ្លាស់ប្ដូរអ្វីលើសមុនណាស់ដែរ”៕
