មិនខុសពីសប្ដាហ៍មុនឡើយ ពោលបញ្ជីមហាសេដ្ឋីមានបំផុតលើលោកទាំង ១០រូប នៅសប្ដាហ៍នេះបន្តបង្ហាញសញ្ញាអវិជ្ជមានថែមទៀត ហើយមានតែមហាសេដ្ឋីឥណ្ឌាប៉ុណ្ណោះដែលកើនទ្រព្យសម្បត្តិ។
ទាំង Elon Musk, Jeff Bezos និងសមាជិកឯទៀតរបូតលុយអស់រាប់ពាន់លានដុល្លារ ខណៈ Gautam Adani និង Mukesh Ambani ទទួលរងការខាតបង់តិចជាងគេ បើធៀបនឹងសប្ដាហ៍មុន។
យោងតាមទិន្នន័យផ្ដល់ឲ្យដោយ Forbes បានឲ្យដឹងថា Mukesh Ambani ខាតបង់ប្រហែល ១០០ លានដុល្លារ ខណៈ Guatam Adani ខាតបង់ប្រហែល ៧០០ លានដុល្លារ ស្របពេលបុគ្គលផ្សេងៗរងការខាតបង់ខ្ទង់ពាន់លានដុល្លារឯណោះ។
តទៅនេះគឺជាបញ្ជីមហាសេដ្ឋីមានបំផុតលើលោកទាំង ១០ រូបគិតត្រឹមថ្ងៃទី ២៧ សីហា ២០២២៖
1. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ២៥៧,៣ ពាន់លានដុល្លារ
2. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៦១,៧ ពាន់លានដុល្លារ
3. Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១៥៥,៣ ពាន់លានដុល្លារ
4. Guatam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ១៤០,១ ពាន់លានដុល្លារ
5. Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១១១ ពាន់លានដុល្លារ
6. Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១០៣,៨ ពាន់លានដុល្លារ
7. Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១០០,៩ ពាន់លានដុល្លារ
8. Mukesh Ambani ស្ថាបនិកក្រុមហ៊ុន Reliance Industries មានទ្រព្យសម្បត្តិសរុបប្រមាណ ៩៤,៨ ពាន់លានដុល្លារ
8. Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩៤,៨ ពាន់លានដុល្លារ
10.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩០,៨ ពាន់លានដុល្លារ៕
