អស់រយៈពេលជាច្រើនសប្ដាហ៍ ទ្រព្យសម្បត្តិរបស់ក្រុមមហាសេដ្ឋីមានបំផុតលើលោកទាំង ១០ រូប គឺមានការធ្លាក់ចុះផ្ទួនៗ ប៉ុន្តែនៅសប្ដាហ៍នេះវិញ គឺជាដំណឹងល្អសម្រាប់ពួកគេ ដ្បិតទ្រព្យសម្បត្តិអ្នកមានបំផុតទាំង ១០ រូប សុទ្ធតែបានកើនឡើងព្រមៗគ្នា។
យោងតាមទិន្នន័យផ្ដល់ឲ្យដោយ Forbes បានឲ្យដឹងថា ក្នុងចំណោមបុគ្គលទាំង ១០ រូប មេធំ Tesla គឺបានកើនទ្រព្យច្រើនជាងគេ ពោលប្រមាណជាង ២០ ពាន់លានដុល្លារ បើធៀបនឹងសប្ដាហ៍មុន។
ក្រៅពី Elon Musk ស្ថាបនិក Amazon, Jeff Bezos ក៏កំពុងរំកិលខ្លួនកាន់តែកៀកនឹងតំណែងជាមហាសេដ្ឋីមានបំផុតទី ២ ព្រោះគម្លាតទ្រព្យសម្បត្តិរបស់មហាសេដ្ឋីអាមេរិក និងមហាសេដ្ឋីអឺរ៉ុប Bernard Arnault ខុសគ្នាមិនដល់ ១ ពាន់លានដុល្លារផង។
តទៅនេះគឺជាបញ្ជីឈ្មោះមហាសេដ្ឋីមានបំផុតទាំង ១០ រូប គិតត្រឹមថ្ងៃទី ១០ កញ្ញា ២០២២៖
1. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ២៧០,៧ ពាន់លានដុល្លារ
2. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៥៧,៣ ពាន់លានដុល្លារ
3. Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១៥៦.៦ ពាន់លានដុល្លារ
4. Guatam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ១៤៨,៣ ពាន់លានដុល្លារ
5. Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១០៨,៥ ពាន់លានដុល្លារ
6. Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១០៤,២ ពាន់លានដុល្លារ
7. Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ៩៩,៤ ពាន់លានដុល្លារ
8. Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩៥,១ ពាន់លានដុល្លារ
9/Mukesh Ambani ស្ថាបនិកក្រុមហ៊ុន Reliance Industries មានទ្រព្យសម្បត្តិសរុបប្រមាណ ៩៣,៨ ពាន់លានដុល្លារ
10.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩១.១ ពាន់លានដុល្លារ៕
