កាលពីពេលថ្មីៗនេះ ប្រទេសកូរ៉េខាងត្បូងបានធ្វើការផាកពិន័យទៅកាន់ក្រុមហ៊ុនខ្នាតយក្ស ២ របស់អាមេរិកគឺ Google និង Meta Platforms ក្នុងទំហំសាច់ប្រាក់ ១០០ ពាន់លានវ៉ុន ឬប្រមាណ ៧២ លានដុល្លារអាមេរិក។ នេះបើតាមការចុះផ្សាយពី CNA។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ប្រភពដដែលបានបន្ថែមថា រដ្ឋាភិបាលកូរ៉េខាងត្បូងបានចោទប្រកាន់ក្រុមហ៊ុនខ្នាតយក្សទាំង ២ នេះថា បានបំពានច្បាប់ឯកជនភាព និងបានប្ដឹងឲ្យ Google សងសំណង ៥០ លានដុល្លារ ខណៈ Meta Platforms សង ២២ លានដុល្លារ។
បច្ចុប្បន្ន ភាគី Googleមិនទាន់ចេញមុខបំភ្លឺទាក់ទងនឹងបញ្ហាមួយនេះនៅឡើយ ផ្ទុយពី Meta Platforms ដែលអះអាងថា ពួកគេនឹងព្យាយាមតវ៉ាក្ដីមួយនេះ៕
