មហាសេដ្ឋី Mark Zuckerberg ហាក់រកស៊ីមិនសូវកាក់កបប៉ុន្មានឡើយ តាំងពីបើកទំព័រឆ្នាំ ២០២២ មកទល់ពេលនេះ ពោលគឺបានរបូតលុយអស់រាប់សិបពាន់លានដុល្លារឯណោះ។
យោងតាមការចុះពីសារព័ត៌មាន Bloomberg បានឲ្យដឹងថា ស្ថាបនិក Meta Platforms លោក Mark Zuckerberg បានរបូតលុយអស់ប្រមាណ ៧១ ពាន់លានដុល្លារក្នុងឆ្នាំនេះ ខណៈតំណែងនៅក្នុងបញ្ជីមហាសេដ្ឋីពិភពលោកវិញ បានខ្ទាតពីលេខ ៣ មកលេខ ២២។
មូលហេតុចំបងដែលធ្វើឲ្យ Mark បាត់បង់លុយអស់ច្រើនបែបនេះគឺ ដោយសារតាំងពី Facebook ប្ដូរឈ្មោះក្រុមហ៊ុនទៅជា Meta Platforms តម្លៃហ៊ុនបានដាំក្បាលចុះរហូតដល់ ៦០% ដែលធ្វើឲ្យមហាសេដ្ឋីរូបនេះទទួលការខាតបង់ជាខ្លាំង។
សូមជម្រាបដែរថា បច្ចុប្បន្នមហាសេដ្ឋីអាមេរិករូបនេះមានទ្រព្យសម្បត្តិសរុបប្រមាណ ៥១ ពាន់លានដុល្លារ ខណៈទំហំទ្រព្យសម្បត្តិដែលមេធំ Facebook ធ្លាប់មានខ្ពស់បំផុតនោះគឺ ១៤០ ពាន់លានដុល្លារ កាលពីខែកញ្ញា ឆ្នាំ ២០២១៕
