កាលពីសប្ដាហ៍មុន អ្នកមានដាច់គេនៅអាស៊ី Gautam Adani បានក្លាយជាមហាសេដ្ឋីមានបំផុតលើលោកទី ២ បន្ទាប់ពី Elon Musk ប៉ុន្តែមិនបានប៉ុន្មានផងតំណែងថ្មីរបស់ Adani ត្រូវបានជំនួសមកវិញដោយអ្នកមានដាច់គេនៅអឺរ៉ុប Bernard Arnault។ នេះបើតាមការចុះផ្សាយពី Forbes។
មូលហេតុដែលធ្វើឲ្យមហាសេដ្ឋីឥណ្ឌាអង្គុយកៅអីមហាសេដ្ឋីលេខ ២ មិនបានយូរ ដោយសារតែការដាំក្បាលចុះនៃផ្សារហ៊ុនកាលពីសប្ដាហ៍មុន បណ្ដាលឲ្យលោករបូតទ្រព្យសម្បត្តិប្រមាណ ៧ ពាន់លានដុល្លារត្រឹមរយៈពេល ១ ថ្ងៃ។
ដូច្នេះហើយ គិតត្រឹមថ្ងៃទី ០១ តុលា ២០២២ មហាសេដ្ឋីឥណ្ឌាបានខ្ទាតតំណែងមកកាន់លេខ ៤ ក្នុងតារាងមហាសេដ្ឋីមានបំផុតលើលោក ដោយនៅតាមប្រកៀកប្រកិតជាមួយនឹងស្ថាបនិក Amazon លោក Jeff Bezos ដែលកំពុងអង្គុយកៅអីមហាសេដ្ឋីលេខ ៣។
ខាងក្រោមគឺជាបញ្ជីឈ្មោះមហាសេដ្ឋីមានបំផុតទាំង ១០ រូបលើលោក គិតត្រឹមថ្ងៃទី ០១ តុលា ២០២២ ផ្អែកតាមទិន្នន័យពី Forbes Real Time Billionaires៖
1. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ២៤៧,៩ ពាន់លានដុល្លារ
2. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៤៤,៤ ពាន់លានដុល្លារ
3. Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១៣៦,៤ ពាន់លានដុល្លារ
4. Guatam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ១៣៦,២ ពាន់លានដុល្លារ
5. Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១០១,៣ ពាន់លានដុល្លារ
6. Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ៩៤ ពាន់លានដុល្លារ
7. Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ៨៦,៦ ពាន់លានដុល្លារ
8. Mukesh Ambani ស្ថាបនិកក្រុមហ៊ុន Reliance Industries មានទ្រព្យសម្បត្តិសរុបប្រមាណ ៨៤,៧ ពាន់លានដុល្លារ
9/Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៨៣,១ ពាន់លានដុល្លារ
10.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៧៩,៨ ពាន់លានដុល្លារ៕
