មួយរយៈកាលចុងក្រោយនេះ ទ្រព្យសម្បត្តិរបស់មហាសេដ្ឋីមានបំផុតលើលោក Elon Musk បានបន្តធ្លាក់ចុះឥតឈប់ឈរ ហើយបើធៀបនឹងឆ្នាំទៅវិញ គឺធ្លាក់ចុះប្រមាណជាង ១/៣ នៃទ្រព្យសម្បត្តិដែលធ្លាប់មានជាង ៣០០ ពាន់លានដុល្លារ។
យោងតាមការចុះផ្សាយពី Forbes បានបង្ហាញថា បច្ចុប្បន្ន Elon Musk មានទ្រព្យសម្បត្តិប្រហែល ១៨៩,៤ ពាន់លានដុល្លារ ស្របពេលមហាសេដ្ឋីមានបំផុតនៅអឺរ៉ុប Bernard Arnault មានប្រមាណ ១៧៤,៧ ពាន់លានដុល្លា គិតត្រឹមថ្ងៃទី ១៩ វិច្ឆិកា ២០២២។
ដូច្នេះ គំលាតទ្រព្យសម្បត្តិរបស់អ្នកទាំង ២ គឺខុសត្រូវគ្នាមិនដល់ ១៥ ពាន់លានដុល្លារផង ខណៈមហាសេដ្ឋីបារាំងកំពុងសំងំកើបលុយ ចំពេលមហាសេដ្ឋីអាមេរិកវិញបន្តខាតបង់ជារឿយៗ ពោលកាលពីដើមខែនេះ គម្លាតទ្រព្យសម្បត្តិរវាងអ្នកទាំង ២ គឺមានដល់ទៅជាង ៥០ ពាន់លានដុល្លារឯណោះ។
ខាងក្រោមនេះ គឺជាបញ្ជីឈ្មោះមហាសេដ្ឋីមានបំផុតលើលោកទាំង ១០ រូប ផ្នែកតាមទិន្នន័យផ្ដល់ឲ្យដោយ Forbes គិតត្រឹមថ្ងៃទី ១៩ វិច្ឆិកា ២០២២៖
1. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ១៨៩,៤ ពាន់លានដុល្លារ
2. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៧៤,៧ ពាន់លានដុល្លារ
3. Guatam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ១៤០,៨ ពាន់លានដុល្លារ
4. Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១១៧,៥ ពាន់លានដុល្លារ
5.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១០៨,២ ពាន់លានដុល្លារ
6.Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១០៤,៤ ពាន់លានដុល្លារ
7.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១០២,៨ ពាន់លានដុល្លារ
8.Mukesh Ambani ស្ថាបនិកក្រុមហ៊ុន Reliance Industries មានទ្រព្យសម្បត្តិសរុបប្រមាណ ៩២,៦ ពាន់លានដុល្លារ
9.Carlos Slim Helu ស្ថាបនិកក្រុមហ៊ុន Grupo Carso មានទ្រព្យសម្បត្តិសរុបប្រមាណ ៨៧ ពាន់លានដុល្លារ
១០.Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៨៤,៥ ពាន់លានដុល្លារ៕
