ក្រុមហ៊ុនអ្នកមានដាច់គេនៅអាស៊ី គ្រោងបង្កើនបំណុលថ្មី ១០ ពាន់លានដុល្លារនៅឆ្នាំក្រោយ

ក្រុមហ៊ុន Adani Group បានប្រកាសថា ពួកគេនឹងព្យាយាមបង្កើនបំណុលថ្មីឲ្យបាន ១០ ពាន់លានដុល្លារនៅឆ្នាំក្រោយ ដើម្បីពង្រីកខ្លួនលើគម្រោងវិនិយោគធំៗដូចជា គម្រោងការបង្កើតបំពង់បង្ហូរប្រេងជាដើម។ នេះបើតាមការចុះផ្សាយពី Bloomberg។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ទន្ទឹមនឹងនោះ ក្រុមហ៊ុនបុត្រសម្ព័ន្ធ Adani Enterprises Ltd., ក៏បានទម្លាយដែរថា ពួកគេកំពុងពិចារណាលក់ចេញភាគហ៊ុនថ្មីប្រមាណ ២ ពាន់លានដុល្លារនៅឆ្នាំក្រោយ បន្ទាប់ពីតម្លៃភាគហ៊ុនរបស់ក្រុមហ៊ុនមួយនេះកើនឡើងគួរឲ្យកត់សម្គាល់។

តម្លៃហ៊ុនរបស់ Adani Enterprises Ltd., បានកើនឡើងរហូតដល់ ១៣៦% បើធៀបនឹងឆ្នាំទៅ ហើយតម្លៃមូលធនទីផ្សាររបស់ពួកគេនាពេលនេះ គឺមានរហូតដល់ ៥៦,៣ ពាន់លានដុល្លារ។

សូមជម្រាបដែរថា មួយរយៈកាលចុងក្រោយ អ្នកមានបំផុតនៅអាស៊ីម្នាក់នេះបានព្យាយាមពង្រីកខ្លួនជាខ្លាំងលើពហុវិស័យដូចជា បានចាយលុយជាង ១០ ពាន់លានដុល្លារទិញក្រុមហ៊ុនផលិតស៊ីម៉ងត៍ Holcim Ltd. ដែលជាកិច្ចចរចាធំបំផុតទី ២ ប្រចាំឆ្នាំនៅឥណ្ឌា ហើយក៏លឺល្ហៀងៗទៀតថា កំពុងចរចាទិញភាគហ៊ុនធំនៃក្រុមហ៊ុនទូរទស្សន៍ខ្នាតយក្ស New Delhi Television ទៀតផង៕

អត្ថបទទាក់ទង

រុស្ស៊ី៖ ទោះលោកខាងលិចព្យាយាមកំណត់តម្លៃប្រេងបែបណា ក៏មិនអាចរារាំងសង្គ្រាមបានដែរ

លោក ពូទីន​ នឹងធ្វើដំណើរទស្សនកិច្ចមកកាន់ប្រទេសមួយនៅអាស៊ីអាគ្នេយ៍

លោក ពូទីន នឹងធ្វើដំណើរទស្សនកិច្ចមកកាន់ប្រទេសមួយនៅអាស៊ីអាគ្នេយ៍