កាលពីពេលថ្មីៗនេះ ទស្សនាវដ្ដី Forbes បានបញ្ចេញបញ្ជីឈ្មោះមហាសេដ្ឋីសប្បុរសធម៌នៅអាស៊ីប្រចាំឆ្នាំលើកទី ១៦ ហើយក្នុងនោះក៏មានវត្តមានរបស់អ្នកមានដាច់គេនៅអាស៊ី Gautam Adani មហាសេដ្ឋីរូមសញ្ជាតិ Shiv Nadar និង Ashok Shota និងមហាសេដ្ឋី Brahmal Vasudevan ព្រមទាំងភរិយាផងដែរ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមរបាយការណ៍ផ្សាយដោយ Forbes បានឲ្យដឹងថា Gautam Adani បានបរិច្ចាគថវិកាប្រមាណ ៧,៧ ពាន់លានដុល្លារនៅឆ្នាំនេះ ដែលធ្វើឲ្យរូបលោកក្លាយជាមហាសេដ្ឋីឥណ្ឌាម្នាក់មានចិត្តសប្បុរសធម៌បំផុត។
ទឹកប្រាក់ទាំងនោះ នឹងត្រូវផ្គត់ផ្គង់ទៅកាន់វិស័យថែទាំសុខភាព ការអប់រំ និងការអភិវឌ្ឍន៍ជំនាញ ហើយនឹងត្រូវបានបញ្ជូនតាមរយៈមូលនិធិ Adani របស់គ្រួសារដែលត្រូវបានបង្កើតឡើងក្នុងឆ្នាំ ១៩៩៦ ហើយក្នុងមួយឆ្នាំៗមូលនិធិមួយនេះបានជួយមនុស្សប្រហែល ៣,៧ លាននាក់ទូទាំងប្រទេសឥណ្ឌា៕
