កាលពីពេលថ្មីៗនេះ ទស្សនាវដ្ដី Forbes បានទម្លាយពីទ្រព្យសម្បត្តិសរុបរបស់មហាសេដ្ឋីឥណ្ឌូណេស៊ីសម្រាប់ឆ្នាំ ២០២២ កើនដល់ ១៨០ ពាន់លានដុល្លារ ច្រើនជាងឆ្នាំទៅដែលធ្លាប់មាន ១៦២ ពាន់លានដុល្លារ។
ប្រភពដដែលបន្ថែមទៀតថា បងប្អូនត្រកូល Hartono នៅតែក្ដោបក្ដាប់តំណែងកំពូលនៃបញ្ជីអ្នកមានដាច់គេនៅឥណ្ឌូណេស៊ី ខណៈទ្រព្យសម្បត្តិរបស់ពួកគេកើនជាង ៥ ពាន់លានដុល្លារ មានសរុប ៤៧,៧ ពាន់លានដុល្លារ
ដោយឡែក តំណែងលេខ ២ ឆ្នាំនេះគឺបានទៅលើមហាសេដ្ឋី Low Tuck Kwong ដែលមានទ្រព្យសម្បត្តិ ១២,១ ពាន់លានដុល្លារ កើនឡើងជិត ៥ ដងបើធៀបនឹងឆ្នាំទៅ ដោយសារតម្រូវការធ្យូង និងតម្លៃរបស់វាកើនឡើងកប់ពពក។
ទន្ទឹមនឹងនោះក៏មានការព្យាករណ៍ដែរថា កំណើនសេដ្ឋកិច្ចនៃប្រទេសមានសេដ្ឋកិច្ចធំបំផុតនៅអាស៊ានអាចកើនដល់ ៥,៣% នៅឆ្នាំនេះ ដោយសារតែតម្លៃធ្យូងមានការកើនឡើង ស្របពេលឥណ្ឌូណេស៊ីគឺជាប្រទេសនាំចេញធ្យូងធំបំផុតលើលោក៕
