កាលពីថ្ងៃទី ០៩ ធ្នូកន្លងទៅ មហាសេដ្ឋីបារាំង Bernard Arnault បានទទួលងារជាមហាសេដ្ឋីមានបំផុតដាច់គេមួយសន្ទុះធំ បន្ទាប់ពីទ្រព្យសម្បត្តិរបស់អ្នកមានដាច់គេនៅអឺរ៉ុប កើនឡើងខ្ពស់ជាង Elon Musk។
យ៉ាងណា បន្ទាប់ពីផ្សារហ៊ុនបិទទ្វារ ទិន្នន័យចុងក្រោយផ្ដល់ឲ្យដោយ Forbes បានបង្ហាញថា តំណែងជាមហាសេដ្ឋីមានបំផុតលើលោក គឺនៅតែជារបស់មេធំ Tesla ដដែល ក្រោយទ្រព្យសម្បត្តិរបស់មហាសេដ្ឋីអាមេរិកកើនដល់ ១៨៨,៧ ពាន់លានដុល្លារវិញ។
ខាងក្រោមនេះ គឺជាបញ្ជីឈ្មោះមហាសេដ្ឋីមានបំផុតលើលោកទាំង ១០ រូប គិតត្រឹមថ្ងៃទី ១០ ធ្នូ ២០២២ ផ្អែកតាមរបាយការណ៍ផ្សាយដោយ Forbes៖
1. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ១៨៨,៧ ពាន់លានដុល្លារ
2. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៨៧,៣ ពាន់លានដុល្លារ
3. Guatam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ១៣៣,៧ ពាន់លានដុល្លារ
4. Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១១២,៣ ពាន់លានដុល្លារ
5.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១០៦,៣ ពាន់លានដុល្លារ
6.Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១០៥,៥ ពាន់លានដុល្លារ
7.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១០២,៩ ពាន់លានដុល្លារ
8.Mukesh Ambani ស្ថាបនិកក្រុមហ៊ុន Reliance Industries មានទ្រព្យសម្បត្តិសរុបប្រមាណ ៩២,១ ពាន់លានដុល្លារ
9.Carlos Slim Helu ស្ថាបនិកក្រុមហ៊ុន Grupo Carso មានទ្រព្យសម្បត្តិសរុបប្រមាណ ៨១,៧ ពាន់លានដុល្លារ
១០.Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៨០,៨ ពាន់លានដុល្លារ
