រយៈពេលកន្លងមក ក្រុមហ៊ុនប្រេងបារាំង TotalEnergies ធ្លាប់ទទួលបានការរិះគន់មិនស្រាកស្រាន្តពីប្រជាពលរដ្ឋទូទាំងពិភពលោក ចំពោះការសម្រេចចិត្តឈរជើងនៅប្រទេសរុស្ស៊ី បើទោះជាក្រុមហ៊ុនយក្សដទៃទៀតបានដកខ្លួនចេញ។
យ៉ាងណា ថ្មីៗនេះស្ដេចត្រាញ់ប្រេងមួយនេះបានបង្ហើបថា ពួកគេបានដកទុនពីក្រុមប្រឹក្សាភិបាលនៃក្រុមហ៊ុនហ្គាសខ្នាតយក្សរបស់រុស្ស៊ី Novatek ប្រមាណ ៣,៧ ពាន់លានដុល្លារ ដែលជាការខាតបង់ដោយសារទណ្ឌកម្មសេដ្ឋកិច្ចលើមហាអំណាចមួយនេះ។ នេះបើតាមការចុះផ្សាយពី Themoscowtimes។
TotalEnergies បានបន្ថែមថា ពួកគេនឹងលែងក្ដោបក្ដាប់ភាគហ៊ុន ១៩,៤% នៃក្រុមហ៊ុន Novatek ដែលជាការខាតបង់ធំមួយរហូតដល់ ៣,៧ ពាន់លានដុល្លារនៅត្រីមាសទី ៤ នៃឆ្នាំនេះ ហើយបើសរុបការខាតបង់ជារួម TotalEnergies ខាតអស់ ១៤,៤ ពាន់លានដុល្លារ ដោយសារបញ្ហានៅរុស្ស៊ីនាឆ្នាំនេះ។
