កាលពីពេលថ្មីៗនេះ ក្រសួងការបរទេសហ្វីលីពីនបានទម្លាយថា ពួកគេមានការព្រួយបារម្ភជាខ្លាំង បន្ទាប់ពីទទួលបានរូបភាពផ្កាយរណបដែលបង្ហាញថា ចិនកំពុងសាងសង់កោះថ្មីៗនៅបណ្ដុំកោះ Spratly Island នៅសមុទ្រហ្វីលីពីនខាងលិច ដែលមិនទាន់មានអ្នកគ្រប់គ្រង។
យ៉ាងណា ស្ថានទូតចិននៅទីក្រុងម៉ានីលបានចេញមុខច្រានចោលព័ត៌មានខាងលើថា ជាព័ត៌មានមិនពិត ហើយថែមទាំងចោទ Bloomberg ថា ជាអ្នកបង្កហេតុជុំវិញបញ្ហានេះទៀតផង។ នេះបើតាមការចុះផ្សាយពី GMA។
ដោយឡែក គំនិតផ្តួចផ្តើមការស៊ើបអង្កេតសមុទ្រចិនខាងត្បូង (SCS) បានបន្ថែមទៀតថា Bloomberg បានអះអាង ចិនកំពុងបើកការសាងសង់នៅដីកោះយ៉ាងតិច ៤ កន្លែងនៅតំបន់មិនទាន់មានអ្នកគ្រប់គ្រងដូចជា Eldad Reef, Whitsun Reef, Lamkiam Cay និង Sandy Cay។
ទាក់ទងនឹងបញ្ហាមួយនេះ ទាំង SCS និងស្ថានទូតចិនបានទាក់ទងទៅកាន់ Bloomberg ដោយផ្ទាល់ ប៉ុន្តែសារព័ត៌មានអាមេរិកមួយនេះនៅមិនទាន់ចេញមុខបកស្រាយនៅឡើយ៕
