មួយរយៈកាលចុងក្រោយ សហស្ថាបនិក Google លោក Larry Page មិនអាចរក្សាតំណែងនៅក្នុងបញ្ជីមហាសេដ្ឋីមានបំផុត ១០ រូប បានគង់វង្សប៉ុន្មានឡើយ ពោល ១ខែចុងក្រោយ លោកបានខ្ទាតទៅដល់លេខ ១០ ជាងឯណោះក្នុងបញ្ជីមហាសេដ្ឋីមានបំផុតលើលោក។
យ៉ាងណា គិតត្រឹមថ្ងៃទី ២១ មករា ២០២៣ នេះ មេធំ Google បានលេចវត្តមានជាថ្មីនៅក្នុងបញ្ជីមហាសេដ្ឋីមានបំផុត ១០ រូប ដែលរៀបចំឡើងដោយទស្សនាវដ្ដី Forbes ប៉ុន្តែតំណែងរបស់លោកកំពុងប្រកៀកប្រកិតខ្លាំង នឹងមហាសេដ្ឋីស្រីមានបំផុតលើលោក Francoise Bettencourt Meyers ដោយគម្លាតទ្រព្យសម្បត្តិរវាងអ្នកទាំង ២ មានតែជាង ៣ ពាន់លានដុល្លារប៉ុណ្ណោះ។
តទៅនេះគឺជាបញ្ជីឈ្មោះមហាសេដ្ឋីមានបំផុតលើលោក ១០ រូប ផ្អែកតាមរបាយការណ៍ចុះផ្សាយដោយ Forbes គិតត្រឹមថ្ងៃទី ២១ មករា ២០២៣៖
1. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ២០៧,៩ ពាន់លានដុល្លារ
2. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ១៥៣ ពាន់លានដុល្លារ
3. Guatam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ១២៧,៥ ពាន់លានដុល្លារ
4.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១២០,៤ ពាន់លានដុល្លារ
5.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១០៨,៨ ពាន់លានដុល្លារ
6.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១០៧,៨ ពាន់លានដុល្លារ
7.Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១០៣ ពាន់លានដុល្លារ
8.Carlos Slim Helu ស្ថាបនិកក្រុមហ៊ុន Grupo Carso មានទ្រព្យសម្បត្តិសរុបប្រមាណ ៩០,៧ ពាន់លានដុល្លារ
9.Mukesh Ambani ស្ថាបនិកក្រុមហ៊ុន Reliance Industries មានទ្រព្យសម្បត្តិសរុបប្រមាណ ៨៧,៥ ពាន់លានដុល្លារ
១០.Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៨៥,៣ ពាន់លានដុល្លារ៕
